Almaty oblysynda Joldaýdy nasıhattaý úshin 355 top quryldy

Almaty oblysynda Joldaýdy nasıhattaý maqsatynda 355 aqparattyq top quryldy. Oǵan 2683 adam múshe. Bul jóninde búgin arnaıy brıfıngte «Nur Otan» partııasynyń Almaty oblystyq fılıaly tóraǵasynyń birinshi orynbasary Ǵalıasqar Sarybaev málim etti, dep habarlaıdy QazAqparat. Almaty oblysynyń óńirlik kommýnıkasııalar qyzmeti uıymdastyrǵan basqosýda Ǵalıasqar Tólendiuly Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynyń mańyzdylyǵyna toqtaldy. «Elbasy óziniń Joldaýynda atap ótkendeı, budan bylaı Qazaqstan azamattary óz bıznesin júrgizý úshin aýylda da, qalada da 16 mıllıon teńgege deıin shaǵyn nesıe ala alady. Sondaı aq bes jyl ishinde 500 myńnan astam jeke úı sharýashylyqtary men shaǵyn fermerlerdi kooperatıvterge tartýǵa múmkindik beretin jaǵdaı jasaý kerektigin atap ótti. 2019 jyldan bastap 10-11 synyptarda keıbir pánderdi aǵylshyn tilinde oqytatyn bolady. Sonymen qatar 1 shildeden bastap bala týǵanda beriletin bir rettik járdemaqy kólemi 20%-ǵa ósiriledi. Igi bastamanyń barlyǵy bizdiń halyq úshin jasalyp otyr. О́zderińizge belgili, Jetisý jeri agrarly aımaq. Basty lokomatıvi aýyl sharýashylyǵy salasy. Osy salany ári qaraı jańǵyrtyp, damytý, ózge de salalardy órkendetý jolynda jańa Joldaýdyń mańyzy zor. Biz óńirdiń árbir turǵynyna onyń mańyzdylyǵyn nasıhattap, túsindiretin bolamyz»,- deıdi Ǵalıasqar Sarybaev. Qazir Jetisý jeriniń ár aımaǵynda Joldaýdy nasıhattaý jumystary bastalyp ketti.