Qazkom Astana men Almatydaǵy bızneske nesıe berýdi bastaıdy

Qazkom Damý qorynyń bes jańa arnaıy baǵdarlamalardyń negizgi operatory retinde Astana men Almatynyń shaǵyn jáne orta kásipkerlerine nesıe bere bastady. Bul baǵdarlamalardy is-júzine asyrý úshin Damý qorymen bólingen 5 mlrd teńgeniń 3,7 mlrd teńgege jýyǵy Qazkommersbanktiń klıentterine beriletin bolady, dep málim etti banktiń baspasóz qyzmeti. Bul qarajat bankke 7 jyldyq merzimge aqyly ári qaıtarylmaly túrde berildi. Atalǵan baǵdarlamalardyń ereksheligi bıznestiń jańa baǵyttary - «startaptar», ınnovasııalyq, ǵylymı jáne tehnologııalyq sheshimder, sondaı-aq iri megapolıster úshin mańyzdy bolyp tabylatyn jobalar – óńdeý jáne tamaq ónerkásibi, servıs jáne ınfraqurylym salalary qarjylandyrylady. «Biz ótken jyly banktiń jańa strategııasyn qabyldap, basty nazardy ShOB jáne jekelegen klıentterge baǵyttaǵanymyzdy jarııalanǵan edik. Mine sodan bastap, biz ótken jyly shaǵyn jáne orta bıznesti belsendi túrde qarjylandyra bastadyq. Qazirdiń ózinde bul jumystar óz jemisin bere bastady: kásipkerler Qazkom-dy qoldaý kórsetýshi jetekshi bank retinde qabyldaı bastady, al memleket Almaty men Astana úshin mańyzdy baǵdarlamalardy qarjylandyrýǵa negizgi kólemdi senimmen tapsyrdy», - dedi óz sózinde bank basqarmasy tóraǵasynyń birinshi orynbasary Abaı Iskandırov. «Damý» kásipkerlikti qoldaý qory ShOB-ty qoldaýǵa baǵyttalǵan jańa bes baǵdarlamany is-júzine asyrý maqsatynda Qazkom-ǵa 2,7 mlrd teńge kóleminde birinshi transhty aýdardy. Osy somanyń 900 mln teńgesi «Almaty-О́nim» baǵdarlamasyn iske asyrýǵa baǵyttalady. «Almaty-О́nim» baǵdarlamasy tamaq ónimderi, ýytty óndeý, mıneraldy sý jáne ózge de alkogolsiz sýsyndardyń óndirisimen aınalysatyn almatylyq kásipkerlerge arnalǵan. Al 250 mln teńge kólemindegi transh «Astana Start Up» baǵdarlamasy boıynsha óz isin jańadan bastaǵan jáne túrli salalar boıynsha jumys isteıtin astanalyq kásipkerlerdi qarjylandyrýǵa arnalyp otyr. «Almaty Týrızm» baǵdarlamasyn damytýǵa Qazkom 1,3 mlrd teńgeni aldy. Bul qarajat kádesyı taýarlaryn óndiretin, qonaqúı bıznesimen, ákimshiliktik jáne qosymsha qyzmet kórsetýmen aınalysatyn, óner, oıyn-saýyq jáne demalys salasynda jumys isteıtin almatylyq kásipkerlerge berilmek. «Astana Bıznes» dep atalatyn baǵdarlamasy bólshek saýdamen (avtokólikten basqasy), restoran bıznesimen jáne tamaq ónimderin jetkizýmen aınalysatyn soltústik astananyń kásipkerlerin qoldaýǵa baǵyttalady. Sondaı-aq túrli salalarǵa franchaızıngti satyp alý da qarjylandyrylady. Bul baǵdarlamaǵa bankke 250 mln teńge bólinetin bolady. Al kompıýter óndirisi, elektrondyq jáne optıkalyq taýarlar, kásibı, ǵylymı jáne tehnıkalyq ispen aınalysatyn almatylyq kásipkerlerdiń jobalaryna «Almaty-Innovasııalar» baǵdarlamasy boıynsha qarajat jaqyn arada bankke túsetin bolady. Bul baǵdarlamany is-júzine asyrýǵa Qazkom-ǵa 1 mlrd teńge kóleminde qarajat bólingen. Qazkommersbank atalǵan baǵdarlamalardy egjeı-tegjeıli túsindirý úshin kásipkerlerge arnaıy túsinikteme jumystaryn júrgizýge daıyn.