2016 jyly ShQO-da óńirlik jalpy ónim 2,6 trln teńgeden asty

Danıal Ahmetov Keńes múshelerin Shyǵys Qazaqstan oblysynyń 2016 jyldaǵy áleýmettik-ekonomıkalyq damýynyń qorytyndylarymen jáne 2017 jyly atqarylatyn jumystardyń basty baǵyttary týraly baıandady, dep habarlady ShQO aqparattyq ortalyǵy. О́skemende Shyǵys Qazaqstan oblystyq Qoǵamdyq keńesiniń otyrysy ótip, onda óńir basshysy Danıal Ahmetovtiń esebi tyńdaldy. Oblys ákimi Shyǵys Qazaqstannyń ótken jyldaǵy áleýmettik-ekonomıkalyq damýynyń qorytyndylary týraly baıandap, Prezıdenttiń Qazaqstan halqyna Joldaýyn júzege asyrýdyń aıasynda bıyl atqarylatyn jumystarǵa toqtaldy. 2016 jyly óńirlik jalpy ónim 14%-ǵa ósip, 2,6 trln. teńgeden asqan. О́nerkásip óniminiń kólemi 41%-ǵa ósken. Astyqtyń mol shyǵýy men mal sharýashylyǵy ónimi óndirisiniń ósýi esebinen aýyl sharaýashylyǵynyń jalpy óniminiń kólemi 11%-ǵa artqan. Negizgi kapıtalǵa ınvestısııa 6%-ǵa, qurylys jumystarynyń kólemi 44%-ǵa ósken. Memlekettik baǵdarlamalardy oryndaýdyń aıasynda jańa 17 myń jumys oryndary ashylǵan. 340 myń sharshy metr turǵyn úı men 10 áleýmettik nysan salynyp, qoldanysqa berilgen.