Qorǵanys vedomstvasynyń basshysy general-polkovnık Sáken Jasuzaqov Taldyqorǵan garnızonyna jumys saparymen baryp qaıtty, dep habarlady QR Qorǵanys mınıstrliginiń baspasóz qyzmeti.
Atalǵan jumys barysynda áskerı vedomstvanyń basshysy bıylǵy oqý jylynyń ahýaly men jaýyngerlik daıarlyq josparyn oryndaý barysy týraly QR QK Áýe qorǵanysy kúshteri bas qolbasshysynyń jáne QR QK Aeroutqyr áskerleri qolbasshysynyń baıandamalaryn tyńdady. Budan ózge, jumys sapary barysynda Taldyqorǵan garnızonynyń keıbir bólimsheleri joǵary jaýyngerlik daıarlyqqa keltirildi.
QR Qorǵanys mınıstri olardyń tehnıkalyq jabdyqtalýy men qamtamasyz etý jaǵdaıyn tekserdi, sondaı-aq áskerı qyzmetshilerdiń áleýmettik-turmystyq jaǵdaılaryna erekshe nazar aýdardy. Osy sapardyń aıasynda QR Qorǵanys mınıstri Áýe qorǵanysy kúshteri men 21751 áskerı bólimniń basshylyq quramymen jumys keńesin ótkizip, onda avıasııalyq bazanyń jaýyngerlik ázirligi men ushýlar qaýipsizdigin qamtamasyz etý jóninde birneshe naqty tapsyrmalar berdi.
