Golovkın ne úshin ataqty boksshylarmen judyryqtaspaıdy?

Jattyqtyrýshy Abel Sanches shákirti Gennadıı Golovkınniń úlken jekpe-jekterge ne sebepti shyǵa almaıtynyn málimdedi. Bul týraly vesti.kz habarlady. Ol eń aldymen qarjy máselesine kelip tireletinin aıtty. «Jurt bizdi ylǵı da tanymal boksshylarmen kezdespeıtinimizdi synǵa alyp jatady. Bul jerde máseleniń bári aqshaǵa kelip tireledi. Qarsylastarymyzdy jasqanady dep aıta almaımyn. Bul bıznes turǵysynda bolyp otyrǵan jaıt, sebebi rıngke kóterilgenińde eshkimnen qoryqpaısyń, biraq ózgelermen salystyrǵanda syıaqysy tym az», – dedi Sanches. «Biraq aqsha máselesi bizdiń basty maqsatymyz bolmaýy shart. Jekpe-jekke tyńǵylyqty daıyndalyp, úmit artqan jankúıerlerimizge jeńis syılaımyz, kelesi kezdesýimiz de osy baǵytta órbıdi. Menińshe, qarjy máselesi ýaqyt óte kele óz sheshimin tabady», – dedi Golovkınniń bapkeri. Aıta keteıik, meksıkalyq boksshy Saýl Alvares Golovkınge usynys jasalǵan, qabyl alǵan jaǵdaıda urys bıyl ótetinin málimdegen.