2016 jyly Qazaqstanda ashylǵan jańa kásiporyndar sany 4,5 myńǵa kóbeıse, 2017 jyldyń qańtarynda bul kórsetkish taǵy 2 myńǵa artty.
2015-2016 jyldarda jumys istep turǵan kásiporyndardyń jumystaryn toqtatyp tastaýyna májbúr bolǵanyna qaramastan, ótken jyly jańadan ashylǵan kásiporyndar sany kúrt kóbeıdi.
Sonymen qatar, eldegi ekonomıkanyń báseńdeýi de bastaýysh kásipkerlerge kedergi bolmaı tur. 2016 jyly jańadan ashylǵan bıznes sany 4,5 myńǵa kóbeıgen (16 paıyz). Bul 2013 jyldan bergi eń iri ósim retinde tirkeldi. Ol kezde respýblıka boıynsha bir jylda 5,8 myń jańa kásiporyn ashylǵan.
Al 2017 jyldyń bir ǵana qańtarynda bızneske jańadan 2,1 myń kásiporyn kelip qosylǵan.
Jalpy, eldegi bıznes qazir "jańaryp" jatyr. Qazirgi tańda jańadan ashylǵan kásiporyndar sany jalpy kásiporyndar sanynyń 14 paıyzyn quraıdy. Al bes jyl buryn bul kórsetkish 9,2 paıyz bolǵan edi.
Al bıznestiń jabylýyna keler bolsaq, 2015 jyldyń qorytyndysy boıynsha, óz jumystaryn toqtatýǵa májbúr bolǵan kásiporyndar sany 14 myńǵa jetken. Bul naryqtaǵy kásiporyn sanynyń 23 paıyzy. Esterińizge sala keteıik, 2015 jylǵy teńgeniń erkin aınalymǵa jiberilýinen kóptegen bıznes naryqtan shyǵyp ketýge májbúr bolǵan edi.
2016 jyly jumystaryn toqtatqan kásiporyndar sany 2,3 myńdy qurady. Bul jalpy kórsetkishtiń 3 paıyzy.
Jalpy, 2016 jyly startaptyń kóbeıýine basty sebep shaǵyn bıznestiń artýy. Bul sektorda byltyr 4,7 myń jańa kásiporyn ashylǵan.
Al iri kásipkerlikter kerisinshe, ósim kórsetpeıdi. Orta kásiporyndardyń sany 86-ǵa azaısa, iri bıznes 16-ǵa kemigen.
Salalar boıynsha eń kóp startap saýda men qyzmet kórsetý salasyna tıesili. 2016 jyly kóterme jáne bólshek saýdaǵa jańadan 4,5 myń bıznes kirgen. Al qyzmet kórsetý salasyndaǵy ósim 1,3 myńdy quraıdy.
Sonymen qatar byltyr aýyl sharýashylyǵy salasynda da jańa kásipkerler paıda bolyp, olardyń sany 1 myńǵa artty.
Bir qyzyǵy, jańa kásiporyndardyń paıda bolý jaǵynan kásibı jáne ǵylymı qyzmet jáne bilim berý salasy kóshbasshylar qatarynda. Bir jylda bul sala tıisinshe 633 jáne 289 kásiporynmen tolyqqan.
Esterińizge sala keteıik, qazirgi tańda Qazaqstanda jappaı kásipkerlikke tartý baǵdarlamasy júrip jatyr.
