«Tengri Bank» jáne «Capital Bank Kazakhstan» birigetin boldy

2017 jylǵy 13 naýryzda «Tengri Bank» AQ pen «Capital Bank Kazakhstan» AQ aksıonerleri arasynda eki qarjy ınstıtýtyn biriktirý nıeti týraly memorandýmǵa qol qoıyldy, dep jazady «Tengri Bank» AQ baspasóz qyzmeti. Birikken bank Qazaqstan Respýblıkasynyń qarjy naryǵynda óz ustanymdaryn aıtarlyqtaı nyǵaıtady degen boljam bar. Bankterdiń shoǵyrlandyrylǵan kapıtaly 43,2 mlrd teńgeni quraıdy, bul EDB reıtınginde 17 orynǵa kóterilýge múmkindik beredi. Biriktirilgen bank kapıtalynyń jetkiliktilik normatıvi 19% jetedi, bul eń tómengi ruqsat etilgen-deńgeıden 2,4 ese joǵary. Bul oqıǵa eń aldymen eki bank depozıtarlarynyń múddesi úshin jasalyp otyr jáne jalpy bıznesti damytý ári bankter málimdegen strategııalyq mindetterdi oryndaý úshin úlken sınergetıkalyq nátıjege qol jetkizedi. Qazaqstan Respýblıkasynyń naryǵynda banktik ınstıtýttardy shoǵyrlandyrý esebinen irilendirý eki banktiń de strategııasynda kózdelgen bolatyn. Kelissózderdiń nátıjeli aıaqtalýy bolashaqta osy baǵytty ári qaraı damytýǵa múmkindik beredi. Qarjy ınstıtýttaryn qaıta uıymdastyrý Qazaqstan Respýblıkasynyń zańnamasy jáne halyqaralyq standart talaptaryna sáıkes júrgiziletin bolady. Qazirgi sátte «Tengri Bank» AQ pen «Capital Bank Kazakhstan» AQ korporatıvtik qarjylandyrý jáne jeke tulǵalarǵa qyzmet kórsetý boıynsha bank qyzmetteriniń tolyq keshenin kórsetedi. 2016 jylǵy jeltoqsanda S&P Global Ratings halyqaralyq reıtıng agenttigi «Tengri Bank» AQ-tyń «B+" deńgeıinde uzaq merzimdi kredıt reıtıngin rastady, al 2016 jylǵy naýryzda «Capital Bank Kazakhstan» AQ-tyń «B-" deńgeıinde uzaq merzimdi kredıt reıtıngin rastady. Bul reıtıngter bankterdiń turaqty qarjylyq ahýalyn kórsetedi.