Búgin Nıderlandta premer-mınıstr saılanady

Búgin, 15 naýryz kúni Eýropadaǵy bıylǵy jyldyń eń mańyzdy saılaýlarynyń biri ótedi. Iаǵnı, Nıderland halqy premer-mınıstrin tańdaıdy, dep jazady Business Insider. Bir ereksheligi, saılaýǵa bıyl 28 partııa qatysady. Al 2012 jyly 11 partııa parlamentke enip, eki partııa koalısııalyq úkimet qurǵan bolatyn. Partııalar sany kóp bolǵandyqtan, úkimet qurý úshin eki nemese odan da kóp partııalar koalısııa qurýlaryna bolady. Oǵan birneshe apta ketedi. Nıderland parlamentinde 150 oryn bar. Al saılaý nátıjeleri erteń belgili bolady. Bıyl saılaýda eń kóp oryn alady dep boljam jasalǵan 6 partııa: Bostandyq pen demokratııanyń halyqtyq partııasy (VVD). Qazirgi premer-mınıstr Mark Rýtteniń partııasy. Ol 2012 jylǵy saılaýda 40 oryn jeńip alǵan. Bostandyq partııasy (PVV). Sońǵy eki aptadaǵy saýalnama nátıjesinde alda kele jatqan partııa. Leıborıstik partııa (PvdA). Sońǵy saılaýda ekinshi oryn alǵan. Biraq sońǵy kezderi ekonomıkaǵa qatysty qatań sharalardy qoldap júrgendikten, kópshilik tarapynan synǵa ushyrady. Hrıstıan daýysy (CDA). Gollandııanyń eń basty ári eń konservatıvti partııalarynyń biri. D66. 1966 jyly qurylǵan demokratııalyq partııa. Jasyl solshyldar. Eldegi eń jas saıasatkerlerdiń biri (Djessı Klaver, 30 jasta) basqaratyn partııa.