Sápıev pen Artaev Golovkınniń jekpe-jegi kórsetiliminine sarapshy bolady

Orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın men dál osy salmaqta WBA (Regular) belbeýiniń ıegeri amerıkalyq Denıel Djeıkobs arasyndaǵy kezdesý 18 naýryzda Nıý-Iork qalasyndaǵy Madison Square Garden arenasynda ótedi. Elimizde bul aıqasty «Qazaqstan» men «KazSport» telearnalary 19 naýryzda 08:00-de tikeleı efırde kórsetedi. Bul boks keshin sarapshy retinde elimizdiń burynǵy bylǵary qolǵap sheberleri Serik Sápıev pen Baqtııar Artaev júrgizedi. О́z kezeginde Afına Olımpıadasynyń chempıony «Qazaqstan» arnasyna qatyssa, London Olımpıadasynyń jeńimpazy «KazSport»-ta júrgizedi. Sonymen qatar, «KazSport» Golovkın-Djeıkobs jekpe-jegi úshin arnaıy eki baǵdarlama uıymdastyrýy múmkin. Munda qos sarapshy aıqas jaıly óz pikirlerin bildiredi. Onyń alǵashqysy efırge sol kúni 07:30-da, al ekinshisi boks keshi aıaqtala salysymen ótedi. Bul kezde Olımpıada chempıondary jekpe-jek barysyndaǵy basty sátterdi talqylaıdy.