Almatyda ıt pen mysyqqa chıp salynady

Almatyda úı janýarlaryna sáıkestendirý jumystary júrgizilmek. Qalalyq aýyl sharýashylyǵy basqarmasy mamandarynyń aıtýynsha, aldaǵy ýaqytta ıesi bar ıt pen mysyqtyń barlyǵyna arnaıy mıkrochıp taǵylatyn bolady. Bul qurylǵynyń kómegimen qaladaǵy úı janýar­larynyń sıfrly elektrondy derekteri jınaqtalady. Derekter qoryna ıt pen mysyqtyń túr-túsi, jasy, oǵan qatysty barlyq aqparattar tipti qojaıynynyń aty-jónine deıin túgel jazylady. – Mundaǵy maqsat – Almaty qalasyndaǵy janýar­lardyń, úı janýarlarynyń naqty esebin anyqtaý. Bul − tender boıynsha ótkiziletin is-shara. Sáıkestendirýge 73 mıllıondaı aqsha qarastyrylyp otyr, – deıdi Alma­ty qalalyq aýyl sharýashylyǵy jáne veterınarııa basqarmasy basshysynyń orynbasary Baýyrjan Abyzbaev. Mamandardyń aıtýynsha, bul bastama úı janýarlaryn asyrap otyrǵan azamattardyń qoǵam aldyndaǵy jaýapkershiligin arttyryp, tazalyq pen qaýipsizdik máselesiniń saqtalýyna óz úlesin tıgizedi. О́ıtkeni, mıkrochıpte ár janýarǵa júrgizilgen veterınarlyq em-sharalar týraly aqparattar da tolyq saqtalady. Mamandar «Árbir úsh aı saıyn ıt pen mysyqtarǵa ekpe egilip turǵan jaǵdaıda, adamǵa juǵatyn leptospıroz, qutyrma jáne basqa aýrýlardyń aldyn alýǵa bolady» deıdi. «It pen mysyqty asyraı almaı qańǵytyp jiberetinder kóp.Solardyń saldarynan ıesiz qańǵybas ıtter paıda bolady. Almaty qalasynda tirkelgen 140 myń úı bar. Ár úıde 2-3 ıt ustaıdy», deıdi Almaty qalasy veterınarııa ortalyǵy basshysynyń orynbasary Jylkeldi Tilesbaev. Jalpy, ıt pen mysyqtyń jón-josyqsyz kóbeıýin toqtatý maqsatynda zalalsyzdandyrý jumystaryna 117 mıllıon teńge bólingen. Joǵaryda aıtylǵan sáıkestendirý sharasy aldaǵy 1-1,5 aı ishinde iske aspaq. Arman OKTIаBR, jýrnalıst