Qazaqstan ekonomıkalyq ósý úshin ashyq dıalogty tańdaıdy - Súleımenov

Ulttyq ekonomıka mınıstri Almatyda Summit CFO IDEA EXCHANGE & NETWORKING EVENT qarjylyq blogynyń top-menedjerler sammıtiniń jumysyna qatysty. О́z sózinde mınıstr Qazaqstannyń ekonomıkalyq damý aspektilerin aıtyp ótti, dep jazady QR Ulttyq ekonomıka mınıstrliginiń baspasóz qyzmeti. «Kóptegen elder proteksıonıstik ákimshilik sharalar arqyly  ekonomıkalyq saıasattyń basymdyqtaryn qaıta qaraýda jáne ishki naryqty qorǵaýǵa tyrysady, atalǵan bul sharalar tek baǵalardyń ósýin toqtatady, odan ári shettetýge jaǵdaı jasaıdy» dedi Súleımenov. «Qazaqstan kerisinshe ekonomıkalyq ósimdi yntalandyrý úshin ashyq dıalogty jáne lıberaldyq tásildi tańdaıdy. Bizdiń makrosaıasattyń negizgi ekpini salaýatty básekelestik, ınvestısııalyq ahýaldy jaqsartý, sondaı-aq ekonomıka salalarynyń tereń tehnologııalyq jańǵyrtýdy damytýǵa negizdelgen jańa ósý modeline kóshý» - dedi mınıstr. «О́tken jyly bizdiń ósý draıverimiz ishki jáne syrtqy ınvestısııalar boldy. Neǵurlym turaqty jáne ártaraptandyrylǵan ósim úshin bizdiń eksporttyń sandyq jáne sapalyq ósýi qajet. Osyǵan baılanysty biz Qazaqstannyń birińǵaı eksporttyq strategııa daıyndalatyn bolady» - dedi Súleımenov. Ol sondaı-aq, salyq zańnamasy jańa ekonomıkalyq jaǵdaılarǵa beıimdelýine, ekonomıkanyń jańa sektorlaryn qoldaýǵa, jer qoınaýyn paıdalanýǵa jańa ınvestısııa tartýǵa, salyqtyq jeńildikterdi ońtaılandyrýǵa, salyqtyq ákimshilendirýdi odan ári ońaılatýǵa baǵyttalatynyn aıtty. «Ekonomıkada ShOB úlesin arttyrý maqsatynda  BJK-2020 baǵdarlamasy sheńberinde kásipkerlikti qarjylyq qoldaý jalǵasatyn bolady. Munda bıýdjettik qarajattardan basqa halyqaralyq qarjylyq uıymdardyń nesıelik jelileri tartylatynyn atap ótý kerek» - dedi Súleımenov. Mınıstr, sonymen qatar, 2016 jyly Qazaqstan ekonomıkasynyń ósimi 1% quraǵanyn eske saldy. «2017 jyly bizdiń boljam boıynsha, ekonomıka sektorlarynyń ósý qarqynyn birqalypty qalypqa kelmek. Oǵan sebep syrtqy jaǵdaılardyń turaqtanýy jáne tutynýshylyq belsendiliktiń jandanýy. Jalpy, 2017 jyly ekonomıka ósimi 2%-dan artýyn kútemiz» - dep qorytyndylady Súleımenov.