QHA quttyqtaýy

Qurmetti otandastar! Sizderdi jalpyhalyqtyq kók­tem merekesi – Naýryz meıramymen quttyqtaımyz. Naýryz ejelgi dáýirlerden bas­tap Ulystyń uly kúni – tabıǵat pen adam rýhynyń jańarýy, bir­le­sý men ózara kómek kúni retinde atalyp ótedi. Búgingi kúni, ǵasyrlar boıy saqtalǵan dástúrlerdiń arqasynda, senim, yntymaq, tatýlyq pen kelisimniń arqasynda Naýryz meıramy Máńgilik Eldiń biriktirýshi rýhanı qundylyǵyna aınaldy. Kóktemniń tirshilikti oıatar lebimen birge, Naýryz bizdiń úılesim men ózara túsinistikke, dostyq pen birlikke degen talpynysymyzdy ornyqtyra túsedi. Bizdiń elimiz ben halqymyzdyń búgingi tabys kilti, erteńgi jeńisteri men jetistikteriniń kepili, mine, osynda jatyr. Naýryzdyń shýaǵy men jaryǵy bizdiń ortaq úıimiz – Uly Dala eliniń jazıraly jazyǵyn jylýyna bólesin. Kóktemniń naq osy kúnderinde bizdiń elimiz – Qazaqstan Respýb­lıka­syn nyǵaıtý men damytýdyń sheshýshi kezeńine qadam basýy­myz­dyń ózi mańyzdy bolsa kerek. Búgin biz, Qazaqstan halqy degen birtutas otbasyndaǵy jandardaı, ortaq iske úles qosýda el bolashaǵy úshin jaýapty ekenimizdi erekshe sezinemiz. Qymbatty jerlester! Kóktemniń uly da jarqyn merekesi Naýryz sizderge qýanysh, molshylyq pen baqyt syılasyn! Kóktem kúniniń shýaqty shapaǵymen ulan-baıtaq elimizdiń ár túkpirine úılesim uıalasyn, al ár qazaqstandyq otbasynda tatýlyq, ózara syılastyq, túsinistik pen súıispenshilik odan ári bekı tússin! Ulys oń bolsyn! Aq mol bolsyn! Naýryz meıramy qutty bolsyn! Qazaqstan halqy Assambleıasynyń Keńesi