Neımar eki jylǵa bas bostandyǵynan aırylýy múmkin

Ispanııa prokýratýrasy «Barselona» sapynda óner kórsetetin Neımardy eki jylǵa bas bostandyǵynan aıyryp, 10 mln.eýro kóleminde aıyppul salýdy talap etti, dep habarlady «Interfaks». Qazirgi ýaqytta sot jumystary júrip jatyr. Bul is taǵy da sol burynǵy «Santos» komandasynan aýysqan kezde oryn alǵan zań buzýshylyq jóninde. Budan bólek, transferge qatysy bar «Barselonanyń» burynǵy prezıdenti Sandro Rossel men qazirgi basshysy Jozep Marııa Bartomeýge de aıyp taǵylyp otyr. Prokýratýra eks-prezıdentti bes jylǵa qamaýǵa alýdy talap etti. Osyǵan deıin habarlanǵandaı, «Barselona» Neımardy satyp alý úshin 57 mln. eýro tólegen. Bul somanyń tek 17,1 mln. eýrosy «Santosqa» berilse, qalǵan qarjy fýtbolshyǵa ıelik etetin kompanııaǵa, ıaǵnı ata-anasyna aýdarylǵan. Alaıda, tergeýshilerdiń pikiri boıynsha, oıynshy úshin 83,3 mln. eýro (keıbir málimetterde 94 mln. eýro) tólenip, «kók-anarlar» salyq shyǵynyn osylaısha qysqartypty. Bul tusta Brazılııanyń DIS ınvestısııalyq kompanııasy zardap shekken. Marca basylymynyń aqparynsha, kompanııa ony bes jylǵa qamalady degen úmitte. О́tken jyldyń qyrkúıek aıynda Brazılııa soty jalpy quny 48 mln.eýro bolatyn Neımardyń barlyq aktıvterine shekteý qoıyp, ózine 16 mln.eýro kóleminde salyqtan jaltardy degen aıyp taqqan bolatyn. Aıta keteıik, Neımar «Barselonaǵa» 2013 jyly «Santos» komandasynan aýysyp keldi. Osy ýaqyt aralyǵynda Chempıondar lıgasyn, ÝEFA Sýperkýbogyn, klýbtyq álem chempıonatyn, Ispanııa sýperkýbogyn, eki márte Ispanııa kýbogyn jeńip, eki márte Ispanııa chempıony atandy.