Qazaqstandyq dıplomattar men stýdentter Volokolamsk qalasynda Máskeý túbindegi shaıqastyń 75-jyldyǵyn eske alý sharalaryna qatysty. Mıtıngti Reseıdegi Qazaqstan elshiliginiń kómegimen Volokolamsk ákimshiligi uıymdastyrdy, dep habarlaıdy QR SIM baspasóz qyzmeti.
Reseıdegi QR elshiliginiń áskerı attashesi Arnat Baıjanov soǵysqa 1,3 mıllıon qazaqstandyq azamattardyń qatysyp, olardyń 600 myńy elge oralǵanyn aıtty.
"1941 jyly Nelıdovoda nemis áskeri men bizdiń otandastarymyz, general Panfılov bastaǵan 316 atqyshtar dıvızııasy arasynda shaıqas boldy. Bul shaıqas ta, bizdiń erlerimiz de tarıhta qaldy. Búgin biz osynda jınalyp, panfılovshylardy eske alyp, olarǵa arnap 28 shyrsha otyrǵyzdyq", - dedi Baıjanov.
Reseılik sheneýnikter men oqýshylar, qazaqstandyq dıplomattar men stýdentter Ivan Panfılov pen Baýyrjan Momyshulynyń eskertkishterine, Dýbosekovoda ornalasqan "28 erligine" atty memorıaldy ansamblge gúl shoqtaryn qoıdy. Is-shara sońynda panfılovshylardyń erligine 75 jyl tolýyna oraı aǵashtar otyrǵyzyldy.
