Reseıdiń Sankt-Peterbýrg qalasynda ótip jatqan jasóspirimder arasynda bokstan álem chempıonatynyń jartylaı fınalyna Qazaqstannyń 4 boksshysy shyqty. Bul týraly Qazaqstan boks federasııasynyń baspasóz qyzmeti habarlady.
Sonymen shırek fınaldyq kezdesýler barysynda 52 keli salmaq sanatynda sharshy alańǵa shyqqan Aıdos Arapov kýbalyq qarsylasy Elıo Krespoǵa ese jiberse, asa aýyr salmaqtaǵy boksshymyz Aboldy Dáýrenuly grýzın Georgıı Chıgladzege utyldy. Al Bekzat Nurdáýletov (81 keli) ırlandyq Krıs OReılıdi taza utsa, Bek Nurmaǵambet (75) amerıkalyq Nıkıta Ababıden basyp tústi. Samatáli Toltaev (56) túrik boksshysy Alı Ihsan Alagastyń jolyn kesse, Sadrıddın Ahmedov (69) kezdesýdiń úshinshi raýndynda qyrǵyz boksshysy Aıbek Aqylbekulyn nokaýtqa túsirdi.
26 qarasha kúni ótetin jartylaı fınaldyq kezdesýde Samat Toltaev avstralııalyq Sem Gýdmanmen aıqasady. Al Bek Nurmaǵambettiń qarsylasy nemis Vezır Agırman. Sadrıddın Ahmetov brıtandyq Mohammed Ákbarmen kim myqtyny anyqtaıdy. Bekzat Nurdáýletov bolsa ýkraındyq Roman Savıskımen sharshy alańda kezdesedi.
Aıta keterligi, bul jekpe-jekterdi Kazsport telearnasy tikeleı kórsetetin bolady.
