Búgin Nazarbaev ýnıversıtetinde Táýelsizdiktiń 25 jyldyǵyna oraı "Máńgilik eldiń máńgilik tili" atty halyqaralyq sımpozıým ótti. Sımpozıým jumysyna elimiz ben shet elderdiń ədebıetshileri men til mamandary, túrkitanýshy ǵalymdar, qoǵam qaıratkerleri men oqytýshylar qatysty.
Sharaǵa qatysqan Senat depýtaty Ədil Ahmetov qazir elimizde qazaqtardyń 75-80 paıyzy týǵan tilinde sóıleıtinin jetkizdi. "Nazarbaev Ýnıversıtetinde azat eldiń tiline arnalǵan úlken shara iske asyp jatyr. Bul óte jaqsy bastama. QR Prezıdenti Nursultan Nazarbaevtyń "tilimizden, dinimizden, salt-dəstúrimizden aıyrylyp qalatyn bolsaq, ult bolmaı qalamyz" degen sózi bar. Sondyqtan, búgingi másele - til bolyp tur. Til - eldiń tiregi. Eń negizgi quraly, eń negizgi sımvoly. Elimizdiń eń basty joǵary oqý orny - Nazarbaev ýnıversıtetinde tilge osyndaı deńgeıde qurmet kórsetilse, basqa ýnıversıtetter odan úlgi alady. Kezinde Elbasy "asyqpańdar, óz ýaqyty keledi, az ýaqyt kútińder" degen edi. Mine, qazir qazaqtardyń 75-80 paıyzy qazaq tilinde sóıleıtin boldy. Kele-kele, 90-95 paıyzǵa jetemiz. Qazaq tildiń qalqasynda orys tilin bilgenimiz artyq bolmaıdy, aǵylshyn tilin bilgenimiz - tipti de artyq emes. Aǵylshyn tili - ǵylymnyń tili, memlekettik saýda-sattyqtyń tili. Til mamany bolǵandyqtan aıtarym, aǵylshyn tili eń ońaı tilderdiń biri", - dedi depýtat.
Sımpozıýmda Qazaqstanda qazaq tili oqytýshylarynyń halyqaralyq qaýymdastyǵy qurylý múmkindigi qarastyryldy. Qaýymdastyqtyń basty maqsaty qazaq tilin oqytýdyń ınnovasııalyq ədisterin jetildirý bolmaq.
