Dopıngke ushyraǵan sportshylardan páterler qaıtarylmaıdy

Dopıng daýyna urynǵan Olımpıada júldegerlerinen páterler qaıtaryp alynbaıdy. Bul týraly Mádenıet jáne sport vıse-mınıstri Sáken Musaıbekov málimdedi. «WADA (Dúnıejúzilik dopıngke qarsy agenttik) kodeksinde tyıym salynǵan preparattardy paıdalanǵan adam memlekettik qarjylandyrýdan, halyqaralyq jáne jergilikti federasııalardyń qarjylandyrýynan tolyqtaı aıyrylatyndyǵy jazylǵan. Ol qaraıtyn halyqaralyq federasııaǵa biliktiliginen aıyrý engiziledi. Al júldege berilgen páterler sportshylardan qaıtarylmaıdy. Bul týraly eshqandaı zańnamalyq negiz joq. 2008, 2012 jyldary jeńisterine qýanǵanymyzdaı, qıyn ýaqytta qoldaý bildireıik», – dedi Musaıbekov Budan bólek, ol Rıo Olımpıadasynyń jeńimpazdaryna beriletin syıaqy men páterlerge qatysty tilshilerdiń saýalyna jaýap berdi. «Olımpıada oıyndaryna qatysýshylardyń júldesine qatysty aıtar bolsam, olımpıadashylar syıaqylaryn alsa, kelesi aptanyń sońyna deıin paralımpıadashylar alady. «Dene tárbıesi jáne sport týraly» Zańǵa sáıkes memleketten páter alýy tıisti Olımpıada júldegerlerine júldelerin tabystaýǵa bizde jarty jyl ýaqyt bar», – dedi vıse-mınıstr.