Serpindi jumys strategııalyq seriktestikten bastalady

Keshe Nazarbaev Ýnıversıtette Densaýlyq saqtaý jáne áleýmettik damý mınıstri Tamara Dúısenovanyń, otandyq jáne sheteldik medısınalyq JOO basshylarynyń qatysýymen «Jetekshi sheteldik ýnıversıtetteri men medısınalyq JOO arasyndaǵy strategııalyq seriktestiktiń birinshi kezeńiniń qorytyndylary» týraly konferensııa bolyp ótti. Konferensııada sóz sóı­le­gen Tamara Dúısenova medı­sı­na­lyq bilimdi odan ári jetil­dirý klınıkalyq tájirıbe, medı­sı­na­lyq bilim men ǵylymı qyzmettiń negizinde otandyq medısınalyq JOO-nyń áleýetin nyǵaıtýdy qaras­tyratynyn atap ótti. Medı­sınalyq kadrlardy daıarlaý sala­synda úzdik halyqaralyq táji­rıbeni engizý qazaqstandyq medısına ýnıversıtetteriniń sheteldik JOO-men strategııalyq baılanysy negizinde júzege asyrylady. Bul ishki jáne syrtqy naryqta otandyq medısınalyq JOO-nyń pozısııalaryn nyǵaı­týǵa, bilim úrdisiniń sapasyn qam­ta­masyz etýge, ǵylymı-zertteý jáne oqý-me­to­dıkalyq qyzmetti damytýǵa múm­kindik beredi. «Strategııalyq áriptestiktiń birinshi kezeńinde aǵymdaǵy jyly árbir medısınalyq JOO stra­tegııalyq seriktestigin anyqtap, kelissózder júrgizdi, memo­ran­dýmdarǵa jáne kelisimderge qol qoıdy, JOO-nyń qazirgi jaǵ­daı­larynyń basym baǵyttary boıynsha strategııalyq seriktestermen birlese taldaý júrgizgen, jaqsartý boıynsha usynystar berilgen. Strategııalyq seriktestikti iske asyrý boıynsha negizgi sharalar 2017-2019 jyldarda, Dúnıejúzilik damý banki jáne Densaýlyq saqtaý jáne áleýmettik damý mınıstrligi qosa qarjylandyratyn jobalar aıasynda júzege asyry lady», – dedi Tamara Dúısenova. Konferensııa barysynda S.J.As­fendııarov atyndaǵy Qazaq ult­tyq medısınalyq ýnıversıteti jáne Dıýk ýnıversıteti (AQSh), Batys Qazaqstan Memlekettik medı­­sınalyq ýnıversıteti jáne K. Ma­r­sınkov atyndaǵy Poznan medı­sınalyq ýnıversıteti (Polsha), Ońtústik Qazaqstan memlekettik farmasevtıkalyq akademııasy jáne Gdan medısınalyq ýnıversıteti (Polsha), Qaraǵandy memlekettik medısınalyq ýnıversıteti jáne Lýnd ýnıversıteti (Shvesııa), Se­meı qalasynyń memlekettik medısına ýnıversıteti jáne Sent-Lýıs ýnıversıteti (AQSh), Astana medısına ýnıversıteti jáne La Sa­pıensa ýnıversıtetteriniń (Italııa) strategııalyq áriptestiktiń 2016 jylǵy jumysyn qorytyndylady. 2017-2018 jyldarǵa arnalǵan JOO-nyń strategııalyq seriktes­tik­teriniń maqsattary men mindet­teri, sonymen qatar Qazaq­stan­­daǵy medısınalyq bilimdi refor­­ma­laýdyń negizgi kezeńderi talqy­landy. Raýan QAIDAR, «Egemen Qazaqstan»