Astanada kóktaıǵaqqa qarsy reagent qoldanylady

Bıyl alǵash ret elordanyń kommýnaldyq qyzmetteri kóktaıǵaqqa qarsy «Aısmelt» reagentin paıdalana bastady, dep habarlady Astana ákimdiginiń baspasóz qyzmeti. «Astana Tazalyq» JShS habarlaýynsha, «Aısmelt» hlorly kalsıı negizinde óndiriletin kópquramdy materıal. Qatý temperatýrasy óte tómen bul reagent muzdyń túzilýin boldyrmaıdy. Uqsas materıaldarmen salystyrǵanda, aýdan ýchaskesin óńdeýge quramnyń az kólemi qajet. Qystyń alǵashqy kúnderinen elordada atalǵan zattyń 575 tonnasy qoldanylǵan. Reagenttiń basty artyqshylyǵy – adam men janýarlar úshin zııany joq. Buǵan qosa, ol kósheni lastamaıdy, jáne taıǵanaýǵa jol bermeıdi, qar nemese muz qabatyna tez jáne tereń sińedi jáne jınaǵannan keıin iz qaldyrmaıdy. Durys qoldanǵan jaǵdaıda reagent kóktaıǵaqtyń túzilýine jol bermeıdi, kóktaıǵaqqa qarsy eki quramdasty (hlorly kalsıı jáne hlorly natrıı) úılestirý esebinen uzaq ýaqyt erýdi qamtamasyz etedi. Onyń basty artyqshylyqtarynyń biri – reagentterdiń ishinde eń kóp shyǵyndalatyndyǵy. Osynyń arqasynda kóktaıǵaqpen kúreste nátıje bar. Aýa raıy jaǵdaılaryna baılanysty jyl saıyn orta eseppen 30-dan 35 myń tekshe metrge deıin qum-tuz qospasy paıdalanylady.