Elordada «Astana Balet» teatry ashylady

Elordada 10-11 jeltoqsanda  «Astana Balet» teatrynyń saltanatty ashylýy ótedi, dep habarlady Astana qalasy ákimdiginiń baspasóz qyzmeti. Onyń qurylysy 2015 jyldyń mamyrynda bastalǵan bolatyn. Nysannyń jalpy aýdany 15 467 m² quraıdy. Qurylys jumystaryna 400-ge jýyq qazaqstandyq qurylysshy men maman tartylǵan. «Bul - keremet zamanaýı keshen, munda daıyndyq jasaýǵa, qoıylym kórsetýge arnalǵan úlken zaldar, keń jáne jaryq grımdeý bólmeleri, sport zaly jáne t.b. bar», – deıdi teatr ókilderi. «Astana Balet» Qazaq ulttyq horeografııa akademııasynyń janynda ornalasqan. Kórermen zalynyń syıymdylyǵy – 783 oryn, sonyń ishinde parter – 609 oryn, balkonnyń 2-shi ıarýsy – 104 oryn, 3-shi ıarýsy – 70 oryn. Dızaınerlerdiń usynǵan jobasy boıynsha, altyn-qońyr tústi shymyldyq ilinip, oryndyqtar jaýqazyn tústes materıalmen qaptalǵan, al eden - qońyr tústi. Sahnanyń aýdany 536 m² quraıdy. Sahnany transformasııalaý úshin qozǵalmaly jáne kóterý-túsirý mehanıkasynyń eń ozyq tehnologııalary paıdalanyldy.  Sahnada eń kúrdeli ssenografııasy bar qoıylymdar qoıýǵa múmkindik bar. Teatrda sahna aýdanymen birdeı jańa spektaklderdi qoıýǵa yńǵaıly eki daıyndyq zaly qarastyrylǵan.