Astana ákimi ınnovasııalyq jobalardy jarııalaıdy

Beıbitshilik jáne kelisim saraıynda bastalǵan XI Innovasııalyq forýmynda Astana qalasynyń ákimi Áset Isekeshev osy aıdyń sońynda jańa ınnovasııalyq jobalardy jarııalaıtynyn málimdedi, dep xabarlady QazAqparat. Qala basshysynyń aıtýynsha, búginde ınnovasııalardy damytýǵa arnalǵan úkimettik baǵdarlamadan bólek qalanyń óz baǵdarlamasy bar. «Solardyń birin biz «Damý qorymen birlesip iske asyryp kelemiz. Sonymen qatar, jergilikti bıýdjettiń esebinen qarjylandyrylatyn jobalar bar, ıaǵnı biz startap jobalarǵa qoldaý jasap otyramyz. О́tken aptada Nazarbaev ýnıversıtetimen birge startap sessııany ótkizdik. Jyldyń aıaǵyna deıin úzdik ınnovasııalyq kompanııalarǵa 30 mln. teńge bólinedi», – dep atap kórsetti Á.Isekeshev. Ákimniń sózine qaraǵanda, qarashanyń 30-y kúni elordada Astana Smart city atty xalyqaralyq forým uıymdastyrylady. «Sol jerde biz ózimizdiń alǵashqy jobalarymyzdy jarııalaımyz», – dep atap kórsetti qala basshysy. Aıta keteıik, búginde elordada ozyq texnologııadardy keńinen qoldaný sharalary atqarylyp keledi. Sebebi, kelesi jyly Astanada EKSPO-2017 kórmesi ótedi. Al odan keıin kórme aımaǵynda «Astana xalyqaralyq qarjy ortalyǵyn uıymdastyrý josparlanǵan.