Halyqaralyq kórme bıýrosy EKSPO-ny joǵary baǵalady

Parıj qalasynda «Astana EKSPO-2017» ulttyq kompanııasynyń basqarma tóraǵasy Ahmetjan Esimov basqarǵan delegasııa Halyqaralyq kórmeler bıýrosynyń 160 Bas Assambleıasyna qatysty. Bul týraly primeminister.kz habarlady. Halyqaralyq kórmeler bıýrosynyń músheleri EKSPO-2017 kórmesine daıyndyqty joǵary baǵalady.  «Meılinshe ádemi, qyzyqty pavılondary bar jaqsy kórme uıymdastyryp, Qazaqstan men onyń azamattaryn ilgeriletý – bizdiń basty basymdyqtarymyzdyń biri. Astanaǵa álemniń túkpir-túkpirinen jınalǵan qonaqtar úsh jańalyq ashatyn bolady – Qazaqstan, shyn máninde tamasha memleket, Astana - jaılaý ortasyndaǵy ǵajaıyp jáne sátti ótetindigine senim bildiretin EKSPO-2017 kórmesi», - dedi Halyqaralyq kórmeler bıýrosynyń Bas hatshysy Vısente Lossertales. Búgingi tańda EKSPO-2017 kórmesine qatysatyndyǵyn 106 memleket pen 17 halyqaralyq uıym rastady. 103 seksııa Komıssarlary taǵaıyndaldy, 89 qatysý kelisimshartyna qol qoıyldy. Ulttyq kúndi ótkizýge arnalǵan 93 kúnniń 67-si bekitilip qoıdy. Bir aptadan keıin, 2016 jyldyń 1 jeltoqsanynda biregeı qyzmet kórsetý ortalyǵy jumysyn bastaıtyn bolady.