Din salasynda keńes beretin 22 uıym bar

Dinı aǵymdardyń jeteginde júrgenderdi ońaltý mańyzdy. Bul týraly búgin  7-shi Azamattyq forýmda sóz sóılegen QR Premer-Mınıstriniń orynbasary Imanǵalı Tasmaǵambetov málimdedi. «Deradıkalızasııa – bul memleket pen úkimettik emes uıymdardyń birigip, barynsha kúsh salyp jumys isteıtin sala. Búginde tek 22 qoǵamdyq uıym din salasynda keńes berý jáne ońaltý kómegin kórsetýmen aınalysady. Bul jalpy, ÚEU sanynyń 0,12 paıyzy ǵana», – dedi ol. Vıse-premerdiń resmı statıstıkalyq málimeti boıynsha elde 15 myń jýyq adam dinı jat aǵymdardy qoldaıdy. Buǵan qaramastan, tek Astana, Kókshetaý, Qaraǵandy, Tarazda ǵana ekiden kóp ortalyq jumys jasaıdy, Petropavlda birde-bir ońaltý ortalyǵy joq. «Ońtústik Qazaqstan oblysynda úsh myńǵa jýyq tyıym salynǵan dinı aǵymdardyń izbasarlary bar. Alaıda, atalǵan oblysta tek bir ǵana úkimettik emes «Nur-Mura» QB uıymy din salasynda keńes berý jáne ońaltý máselesimen aınalysady», – dedi Tasmaǵambetov.