«Jyl polıseıi» anyqtaldy

Jol-patrýldik qyzmet polıseıi Aslan Esentaev «Jyl polıseıi» nomınasııasynda respýblıkalyq baıqaýdyń jeńimpazy atandy, dep habarlady mgorod.kz. Baıqaý jeńimpazy Aqtóbede maýsym aıynda oryn alǵan qandy oqıǵada bir ekstremısti jaralaǵan. «Sol kúni narıadta edim. Polısııa bóliminiń Elek aýmaǵynda qyzmette boldyq. Túski as ýaqytynda «Pallada» qarý dúkenin basyp aldy, qarýly shabýyl jasaldy degen habarlama tústi.  Biz rota komandıri Balǵalıev ekıpajynyń quramynda sol jaqqa bet aldyq. Krasnoshekov kóshesiniń qıylysynan bizdiń ekinshi ekıpaj shyqty. Biz jaqqa qaraı oq atylyp jatty. Oqıǵa ornynda bir qarýly adamdy qolǵa túsirdik. Ekıpaj quramyndaǵy seriktesterim Jaqsybaev pen Qalmaǵambetov jaralandy», – dep esine aldy Esentaev. Polıseı sol kúni óz ómiri úshin múldem qoryqpaǵanyn, boryshyn ótegenin aıtty. Lańkestik oqıǵadan keıin Aslandy oblystyq ákimdik shaqyryp, óńir basshysy Berdibek Saparbaev gramota, syıaqy tapsyrdy.