Kókshetaýda el Təýelsizdiginiń 25 jyldyǵyna arnalǵan «25 juldyzdy kún» aksııasy aıasynda eki 9 qabatty 45 páterli turǵyn úı paıdalanýǵa berildi, dep habarlady QazAqparat.
Saltanatty sharaǵa oblys ákimi Sergeı Kýlagın qatysyp, jańa páter ıelerin qýanyshtarymen quttyqtady.
«Táýelsizdiktiń alǵashqy jyldarynan bastap Elbasymyz qazaqstandyqtardyń úlken otbasy retinde elimizde jaıly turýyna kóńil bólip keledi. Memleket basshysy Nursultan Nazarbaevtyń qolǵa alǵan saıasatynyń basty baǵyttarynyń biri – árbir qazaqstandyq otbasyn óz baspanasymen qamtamasyz etý. Bul baǵytta elimizde «Nurly jol», «Qoljetimdi baspana-2020», «О́ńirlerdi damytý-2020» tárizdi baǵdarlamalar júzege asyrylyp jatyr.
Jalpy, oblys boıynsha 20 jyl ishinde aýmaǵy 58309 sharshy metrdi quraıtyn 20 turǵyn úı paıdalanýǵa berilip, 755 otbasy páterli boldy. Bul joly paıdalanýǵa berilgen turǵyn úıler oblys ortalyǵyndaǵy «Saryarqa» shaǵyn aýdanynda «Qoljetimdi baspana-2020» memlekettik baǵdarlamasy boıynsha salyndy. Kópqabatty jańa turǵyn úıden baspanaly bolyp otyrǵandardyń kóbi jas jáne kóp balaly otbasylar, bıýdjettik sala qyzmetkerleri jáne úı kezeginde turǵandar
