El Táýelsizdiginiń mereıtoıly jylynda Astana qalasynda 46 balabaqsha ashyldy. Bul týraly elorda ákiminiń keńesshisi Feısbýktegi óziniń paraqshasynda habarlady.
Onyń aıtýynsha, búgingi kúni Qaraótkel (Ilınka) turǵyn alqabyndaǵy 240 oryndyq №92 «Jaýqazyn» balalar baqshasynyń qurylysy aıaqtaldy. Jalpy aýmaǵy 5 myńǵa jýyq sharshy metrdi quraıdy. Eki qabatty ǵımarat qazaq tilinde tálim alatyn 12 topqa arnalǵan. Búldirshinderdi qabyldaý kelesi jyldyń 1 qańtarynan bastalady.
Astanada mektepke deıingi bilim berý mekemeleriniń tapshylyǵy jańa balabaqshalardyń ashylýymen, sonyń ishinde memlekettik-jekemenshik seriktestik kómegimen sheshilýde.
«Bıyl 46 balalar baqshasynyń irgesi qalandy. Sonyń ishinde memlekettik tapsyryspen 8859 oryndyq 44 jekemenshik balabaqsha jáne bıýdjet qarjysy esebinen 440 oryndyq 2 balabaqsha bar. Odan bólek, memlekettik-jekemenshik seriktestik aıasynda 2480 oryndyq 10 balabaqshanyń jobasy júzege asyrylyp jatyr. «Bıznestiń jol kartasy» baǵdarlamasymen – 31, sonyń ishinde bıyl 5 joba jasaldy. 2017 jyldyń birinshi jartyjyldyǵynda 480 oryndyq 2 balabaqshanyń ashylýy josparlanýda», – dep jazdy ol.
Aıta keteıik, qazirgi tańda Astanada 48 myń 154 búldirshinge arnalǵan ártúrli úlgidegi 261 mektepke deıingi bilim berý mekemesi qurylǵan. Onyń 95-i – memlekettik, 2 – vedomstvolyq, 116 – jeke, 48-i shaǵyn ortalyqtar.
0-6 jasqa deıingi balalar sany – 87 947. 3-6 jas aralyǵyndaǵy balalardyń kezegi – 25 550 bala.
