Elbasy eńbegine arnalǵan kórme

Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeıinde Tuńǵysh Prezıdent kúnine arnalǵan «Uly Dala ulaǵattary» ekspozısııalyq kórmesi ashyldy. Kórmege Elbasy N.Á. Nazarbaevtyń jaqynda «Egemen Qazaqstan» gazetinde jarııalanǵan «Uly Dala ulaǵattary» týyndysy arqaý etip alynǵan. Elbasy eńbeginiń jelisi boıynsha uıymdastyrylǵan «Uly Dala ulaǵat­tary» kórmesi «Týǵan elim – tiregim», «El men er jáne jer», «Táýel­sizdiktiń tal besigi», «Týǵan til­diń tuǵyry», «Qıyrdan kelse qan­das­tar» jáne «Jańǵyryp keler jas tolqyn», «Qarııalarymyz – qazyna­myz» atty bólimderden turady. Soǵan oraı kelýshiler kórme arqyly shırek ǵasyrda halqymyz atqarǵan ulan-ǵaıyr jumystardyń kýágerine aınalady. Saltanatty sharada Semeı qalalyq ardagerler keńesiniń tóraǵasy A. Doǵalaqov pen qurmetti temirjolshy Q.Álseıitov ekeýi kórme shymyldyǵyn ashty. Sóı­legender Uly Dala eli – Qazaqstan Respýblıkasynyń qalyptasyp, dúnıe júzindegi eń ozyq 30 eldiń qataryna qosylýyndaǵy Elbasy Nursultan Nazarbaevtyń syndarly saıasaty men eren eńbegin atap kórsetip, halqymyzdyń táýelsizdik jyldaryndaǵy qutty qadam­darynyń odan ári qaıyrly bolýyna tilektestikterin bildirdi. Saltanat sońynda táýelsizdik kýáger­leri – qala ardagerleriniń bir tobyna Elbasynyń mýzeıde kitapsha etip basyp shyǵarylǵan «Uly Dala ulaǵattary» týyndysy men eskertkish syılyqtar tapsyryldy. Raýshan NUǴMANBEKOVA SEMEI