Qaraǵandy oblysynyń Abaı aýdanynda burynǵy «Gúlder» shıpajaıynyń 2 qabatty ǵımaraty jóndeýden ótkizilip, balabaqsha retinde qaıta ashyldy.
Bıýdjetten bólingen 45,5 mln teńge jóndeý jumystary men jańa jıhazdar satyp alýǵa jumsaldy. «Bolashaq álemi» dep atalatyn bul nysan 75 balaǵa shaqtalyp jasalǵan. Munda búldirshinder bilim berý salasyndaǵy tyń ózgerister boıynsha úsh tilde bilim alady.
Sonymen qatar, aýdannyń Jartas aýylynda dárigerlik ambýlatorııa ashyldy. Jańa ǵımarat «Jumyspen qamtýdyń jol kartasy» baǵdarlamasynyń aıasynda turǵyzylǵan. Jobalyq quny 117 mln teńgeni quraıtyn bul ambýlatorııada bir aýysymda 20 adam jatady dep josparlanǵan. Medısınalyq mekemede balalar bólmesi, akýsherlik-gınekologııalyq, emdeý-saýyqtyrý bólimderi jumys isteıtin bolady.
Qaırat Ábildınov, "Egemen Qazaqstan".
Qaraǵandy oblysy
