Otandyq ınternet BAQ-tyń mobıldik nusqalary jasalady

2017 jyly «Qazkontent» otandyq ınternet BAQ-tyń mobıldik nusqalaryn iske qosý jobasyn josparlap otyr. Bul týraly búgin Parlament Májilisindegi Úkimet saǵatynda Aqparat jáne kommýnıkasııa mınıstri Dáýren Abaev málimdedi. «Mınıstrlik «Qazkontent» AQ-men birlese otyryp, 2016-2020 jyldarǵa otandyq BAQ-tar men olardyń ınternet-resýrstaryn modernızasııalaý josparyn júzege asyrýda. «Qazkontenttiń» árbir ınternet-jobasy jańa formatta jumys isteýde. Qazan aıynda e-history.kz saıty biregeı tarıhı kontentimen jáne jańa ınteraktıvti múmkindikterimen aýqymdy «National Digital History» portalyna ózgerdi. Saıttyń jańa dızaıny, logotıpi daıarlanyp, jańalyqtardy berý baǵyty aıtarlyqtaı jaqsardy»,-dedi D. Abaev. «Ádebıet portaly» baǵytynda tıisti sharalar atqarylyp jatqanyna toqtalǵan mınıstr, onyń mobıldik qosymshasyn iske qosý eskerilip otyrǵandyǵyn, onyń kómegimen shyǵarmalardy oqý men kitaptardy tyńdaý qolaıly bolatynyn atap ótti.