Namazxanada jınalyp, ýaǵyz aıtýǵa bolmaıdy - Berik Aryn

Búginde meshitterde destrýktıvti aǵymdardyń ókilderi ımamdarmen daýlasyp jatady. Bul týraly búgin Astanada «Dinı qyzmet jáni dinı birlestikter týraly» zańdy túsindirýge arnalǵan baspasóz máslıxatynda QR Din isteri jáne azamattyq qoǵam vıse-mınıstri Berik Aryn aıtty. Osy oraıda ol ımamdardyń zańmen qorǵalatynyn eskertti, dep xabarlaıdy QazAqparat. "О́kinishke qaraı, bizge túrli aqparattar túsip jatady. Mysaly, keıbir ǵıbadat oryndarda destrýktıvti dinı aǵymdardyń ókilderi qalyptasqan tártipti buzady. Olar qasaqana ımamnyń aıtqanyn elemeı, pikir talastyryp, daýlasyp, shıeleniske ıtermeleıdi. Bylaısha aıtqanda, arandatýshylyqqa barady. Tipti, ımamdar men kelýshilerdi qorqytý faktileri de bar. Sóıtip, olar bizdiń qoǵamymyzǵa jat ıdeıalarǵa shaqyrady, soǵan kúshtep tyqpalaıdy. Bundaı áreketter zańǵa qaıshy. Osy rette resmı túrde aıpaǵymyz, elimizde resmı túrde tirkelgen dinı birlestikterdiń dinı qyzmetshileri men ımamdar memlekettiń qorǵaýynda. Eger ǵıbadat úıleriniń ishki erejeleri buzylsa, ımamdarǵa nemese basqa da dinı qyzmetshilerge óz mindetterin oryndaýǵa kimde-kim kedergi jasaıtyn bolsa, olar erejeni ǵana emes, zańdy da buzady. Sondyqtan ondaı áreketterge kýá bolǵan azamattar birden polısııaǵa xabarlassa bolady", - dedi Aryn. Aıta ketken jón, atalǵan qujattyń qabyldanǵanyna bes jyl boldy. Vıse-mınıstrdiń sózine qaraǵanda, qudaıǵa qulshylyq etý rásimderi jáne basqa dinı sharalar zańmen bekitilgen oryndarda ǵana jasalady. Atalǵan nysandarǵa ǵıbadat oryndary, dinı birlestikterdiń ǵımarattary, zırattar jáne qulshylyq etý oryndary jatady. «Qajet bolǵan jaǵdaıda basqa da turǵyn-jaılar men qoǵamdyq tamaqtaný nysandarynda bundaı sharalar ótkizilýi múmkin. Mysaly, as berý joralary. Alaıda sol jaqyn jerde turatyn azamattardyń múddeleri men quqyqtary saqtalýy shart. Budan basqa, dinı sharalar ákimdikter tarapynan kelisilgen jeke úı-jaılarda jasalýy múmkin. Mysaly, namazxanalarda. Biraq bul jerde bir nazar aýdaryp ketetin nárse - namazxanalarda tek namaz oqýǵa ǵana ruqsat beriledi. Alaıda namazxanada jınalyp, ýaǵyz aıtýǵa bolmaıdy. Oǵan jol berilmeıdi», - dep atap kórsetti B.Aryn.