Beıbit Shúmenovtiń kelesi qarsylasy anyqtaldy

Qazaqstandyq boksshy, WBA nusqasy boıynsha «turaqty» chempıony Beıbit Shúmenov (17-2, 11 KO) kelesi jekpe-jegi qashan bolatynyn jarııa etti, dep habarlady QazAqparat. Shúmenovtiń kezekti jekpe-jegi Maıamıde keler jyldyń 11 aqpanyna belgilendi. Onyń qarsylasy - WBA nusqasynyń «ýaqytsha» chempıony, kýbalyq boksshy Iýnıer Dortıkos (21-0, 20 KO). Bul kezdesýge qatysty saýda Búkilálemdik boks qaýymdastyǵynyń (WBA) shtab-páterinde qarasha aıynda ótken bolatyn. Bul saýdany Dortıkostyń atyn qorǵaǵan Caribbean Promotions kompanııasy jeńip aldy. Bunyń aldynda Shúmenov reseılik boksshy, WBA (Super) chempıony Denıs Lebedevti (29-2, 22 KO) jekpe-jekke shaqyrǵan. Alaıda, reseılik boksshymen kelisimge kele almaǵandyqtan, Dortıkospen kezdesý uıymdastyrýǵa nıetti ekenin jetkizgen. Aıta keteıik, Lebedev 3 jeltoqsan kúni, reseılik Murat Gassıevpen ótkizgen judyryqtasýda jeńilis taýyp, IBF tıtýlynan aıyrylǵan bolatyn.