Astanada QR Ulttyq mýzeıinde qazaqtyń sýyryp salma aıtysy, kıiz úı jáne kúı óneriniń materıaldyq emes mádenı muralar tizimine engizilýi týraly IýNESKO sertıfıkattary tabystaldy, dep xabarlady QazAqparat.
Endi murajaıǵa kelgen árbir meıman bul muralardyń adamzat moıyndaǵan qundy materıaldyq emes mıras ekenin kórip, tanı alady.
Sertıfıkatty tabystaýǵa QR Premer-Mınıstriniń orynbasary Imanǵalı Tasmaǵambetov qatysty.
«Bul - Qazaqstan atynan IýNESKO-nyń tizimine engen alǵashqy rýxanı, materıaldyq emes óner týyndylary. Rýxanı qundylyqtarymyz endi xalyqaralyq uıymnyń qorǵaýynda bolyp qana qoımaı, IýNESKO-nyń rýxanı muralar týraly konvensııany moıyndaǵan 171 memlekettiń qoldaýlaryna ıe bolady. Árıne, mundaı qurmetke, qoldaýǵa tizimge engen úsh qundylyǵymyzdyń qaı-qaısysy da laıyqty», - dedi Imanǵalı Tasmaǵambetov.
Aıta keteıik, ótken aptada Efıopııada IýNESKO-nyń kezekti sessııasy ótken bolatyn. Onda atalmysh tizimge Qazaqstannyń taǵy tórt ótinishi engizildi. Olar - Naýryz, saıatshylyq, qazaq kúresi jáne barsha túrki jurtyna ortaq shelpektiń jasalýy syndy rýxanı ári mádenı muralar. Sonymen qatar, bıyldan bastap Qazaqstan «Batys Tıan-Shan» transulttyq nomınasııasy boıynsha IýNESKO-nyń muralar tizimine endi.
Sýretterdi túsirgen: Erlan OMAROV
