Qytaılyq týrısterdi elge tartý strategııasy aıasynda Qazaqstan 2016 jyly 25-27 qarashada qysqy týrızm túrleri boıynsha Úrimshi qalasynda ótken WTT-2016 halyqaralyq týrıstik kórmege qatysty, dep habarlady Investısııalar jáne damý mınıstrligi.
Qytaılyq týrısterdi elge tartý strategııasy aıasynda Qazaqstan 2016 jyly 25-27 qarashada qysqy týrızm túrleri boıynsha Úrimshi qalasynda ótken WTT-2016 halyqaralyq týrıstik kórmege qatysty. Kórmede jalpy 28 eldiń, onyń ishinde Reseı, О́zbekstan, Armenııa, Islandııa, Norvegııa, Malaızııa elderiniń delegasııalary bas qosty.
Qazaqstandyq stendti QR Investısııalar jáne damý mınıstrligi Týrızm ındýstrııasyn damytý departamentiniń tapsyrysy boıynsha «Atameken» UKP janyndaǵy Qazaqstannyń Syrtqy saýda palatasy ázirledi. Qazaqstandyq delegasııa quramynda Almaty qalasy ákimdigi men Shyǵys Qazaqstan oblysy ákimdiginiń ókilderi jáne «Jibek Joly – AP» JShS, «KazUnion» JShS, "Bekzada" JShS, «Abdi Travel» JShS týrıstik operatorlar boldy.
Kórme barysynda QR IDM Týrızm ındýstrııasyn damytý departamentiniń ókilderi qytaılyq áriptesterimen týrızm salasyndaǵy yntymaqtastyqty nyǵaıtý, 2017 jyly qytaı týrızmi jylyn ótkizý máseleleri boıynsha birqatar kezdesý ótkizdi. Sondaı-aq, «Qazaqstan Respýblıkasyna qytaı azamattarynyń toptyq týrıstik saparlaryn jeńildetý jónindegi QR Investısııalar jáne damý mınıstrligi men Qytaıdyń týrızm isteri jónindegi memlekettik basqarmasy arasyndaǵy memorandýmdy» júzege asyrý barysy talqylandy.
Búginde qytaı týrısteri álemdik týrızmniń negizgi qozǵaýshy kúshine aınalyp otyr. Sońǵy 10 jylda qytaı týrısteriniń sany eki esege ósken. 2005 jyly 35 mln. al, 2015 jyly 125 mln. týrıst saıahattaǵan. 2015 jyly qytaı týrısteriniń shetelde jumsaǵan qarjysy 200 mlrd. dollardan asyp ketti. Salystyrmaly túrde aıtsaq, 2015 jyly Qazaqstan bıýdjetiniń kirisi shamamen 20 mlrd. dollar bolǵan.
