Kórkemdikti kıizben órnektegen

Oblys ortalyǵyndaǵy kór­kemsýret mýzeıinde Sýretshiler odaǵynyń múshesi, S.Toraıǵyrov atyn­daǵy memlekettik ýnı­versıtettiń «Arhı­tektýra jáne dızaın» ka­fedrasynyń oqy­týshysy Maısa Yqylastyń Táýel­sizdiktiń 25 jyl­dyǵyna arnalǵan kórmesi ótýde. Sýretshiniń «Meniń Qazaq­stanym» atty peızajdar serııasy eńseli eldikti, egemendikti, ulttyq dástúrge qanyq kórinisterdi sheber beıneleıdi. Qylqalam sheberiniń alýan túrli taqyryptaǵy, ártúrli janrdaǵy qoltańbasy kim-kimdi de beıjaı qaldyrmaıdy. Kórmege kelýshiler Maısanyń kıizden jasaǵan týyndylaryn da kóre alady. Qazaqtyń tól óneri – kıiz basý ádisimen jasalynǵan «Naýryzsha», «Toraıǵyr kóli», «Kún shýaǵyna shomylǵan kúz» atty kóptegen shyǵarmalary bar. Sýretshi kıizben «sýret salýdy» kishkentaı kúninde ájesinen úırengenin aıtady. Bala kezinen sanasyna uıalaǵan sýretterdi qylqalam sheberi sońǵy kezde óner týyndysyna aınaldy­ryp, jurtshylyqtyń ystyq yqylasyna bólenip júr. Árbir oıý-órnek bir-birin tolyqtyra túsip, tutas bir kompozısııany quraıdy. Sýretterdegi dástúrli boıaýlar ornyna bederlengen, túrli túske boıalǵan qoı júni erekshe kórkem kórinedi. Tipti, boıalǵan júnniń ózi sýretshiniń ne jasamaq oıyn uqqandaı bir-birimen qabysyp, ózinen ózi sýretke aınalǵandaı erekshe áserli. Ulttyq dástúrdi óner arqyly óristetýge oraı, sýretshi Maısa Yqylastyń óz baılamy bar. – Ýaqyt jyldam, biraq, uly dástúr jalǵasyn tabady. Muqaǵalı jazǵandaı, Úsh baqyt – Halqymyz, Tilimiz, Otanymyz bar. Endeshe, osy úsheýi turǵanda, ulttyń uly dástúri de máńgilik. Máńgilik demekshi, qazir «Máńgilik El» taqyryby meni qatty tolǵantyp júr, ázirge atalǵan irgeli taqyrypqa oısha daıyndalyp júrmin, – deıdi sýretshi. Farıda BYQAI, «Egemen Qazaqstan» PAVLODAR