• 06 Jeltoqsan, 2016

Juldyzy janǵan jýrnalıster

172 ret

kórsetildi

5 mın

oqý úshin

Egemen Qazaqstan

respýblıkalyq konkýrsta jeńimpazdar men júldegerler atandy Keshe Qazaqstan Respýblıkasynyń Tuńǵysh Prezıdenti – Elbasy kitaphanasynda «Qazaqstan Táýelsizdigi jáne Elbasy» atty respýblıkalyq konkýrstyń qorytyndysy jarııalandy. Elbasy kitaphanasy men Qazaqstan Respýblıkasynyń Tuńǵysh Prezıdenti Qory uıymdastyrǵan bul konkýrs BAQ qyzmetkerleriniń arasynda ótkizildi. Jýrnalısterdiń el Táýelsizdiginiń 25 jyldyǵyna arnaǵan materıaldarynyń ishinen eń tańdaýlylaryn anyqtaǵan baıqaýdy qorytyndylaý sharasyna Qazaqstan Respýblıkasynyń Tuńǵysh Prezıdenti – Elbasy Qorynyń dırektory, Parlament senatynyń depýtaty Darıǵa Nazarbaeva, Prezıdent Keńsesiniń bastyǵy – Qazaqstan Respýblıkasynyń Tuńǵysh Prezıdenti – Elbasy kitaphanasy dırektorynyń mindetin atqarýshy Mahmut Qasymbekov, Májilis depýtattary, zııaly qaýym, BAQ ókilderi jáne jastar qatysty. Elimizdiń Táýelsizdik jyldaryndaǵy jetistikterin kórsetý, nasıhattaý, Qazaqstan memlekettiliginiń negizi retinde «Nazarbaev modelin», Elbasy ıdeıalary men bastamalaryn jurtshylyqqa tanystyrý maqsatynda qolǵa alynǵan konkýrsty qorytyndylaý rásiminde D.Nazarbaeva birinshi kezekte atalǵan sharanyń mańyzdylyǵyna toqtala kelip, konkýrstyń jeńimpazdary men júldegerlerin quttyqtady. – Táýelsizdiktiń shırek ǵasyrynda kúrdeli jáne qyzyqty salany tańdap, ómirin jýrnalıstıkaǵa arnaǵan kásibı mamandardyń birneshe býyny ósti. Konkýrsqa joldanǵan barlyq jumystar nazar aýdarýǵa laıyq. Árbir materıaldan týǵan jerge degen súıispenshilik seziledi. Barlyq jeńimpazdardy shyn júrekten quttyqtaımyn. Olar ózderiniń jumystarynda Elbasynyń bastamalaryn naqty kórsetip, elimizdegi negizgi oqıǵalarǵa erekshe kózqarastaryn bildirýge tyrysqan. Barlyq jýrnalıske myqty densaýlyq, shyǵarmashylyq tabys tileımin, – dedi Darıǵa Nazarbaeva. Mahmut Qasymbekov óz kezeginde konkýrstyń aýqymy óte keń bolǵanyn, joldanǵan barlyq jumystar elimizdiń aqparat quraldarynda jarııalanyp, Otanymyzdyń táýelsizdik jyldaryndaǵy Tuńǵysh Prezıdentimiz Nursultan Nazarbaevtyń basshylyǵymen jetken jetistikterin kópshilikke keńinen pash etkenin, konkýrsqa túsken materıaldardyń basym kópshiliginiń mazmuny tereń, kórkemdik deńgeıi joǵary bolǵanyn jetkizdi. Budan keıin Májilis depýtattary Saýytbek Abdrahmanov, Artýr Platonov jáne basqalar sóz sóılep, baıqaýdyń mán-mańyzy turǵysynan sóz qozǵady. Aıta keteıik, bekitilgen erejege sáıkes konkýrsqa arnalǵan jumystar bıylǵy maýsymnyń 1-inen qazannyń 31-ine deıin 4 atalym boıynsha qabyldandy: «Gazetter men jýrnaldardaǵy úzdik maqala», «Úzdik teledıdar materıaly», «Úzdik radıomaterıal», «Ǵalamtordaǵy BAQ úzdik jarııalanym». Shyǵarmashylyq baıqaýǵa elimizdiń túkpir-túkpirinen 365 materıal joldanypty. Konkýrsqa qyzyǵýshylyq tanytqan 111 avtordyń arasynda oblystardyń jýrnalısteri erekshe belsendilik tanytqan. Osylaısha, álgi atalymdar boıynsha jeńimpazdar men júldegerlerdi belgili jýrnalısterden, Qazaqstannyń kórnekti memleket jáne qoǵam qaıratkerlerinen turatyn konkýrstyń komıssııasy anyqtady: «Gazetter men jýrnaldardaǵy úzdik maqala» atalymy boıynsha: Birinshi oryn – Sergeı Harchenko, «Qostanaı jańalyqtary» JShS bas dırektory, Qostanaı oblysy Ekinshi oryn – Aıtýar О́tegenov, tanymal jýrnalıst, Mańǵystaý oblysy Úshinshi oryn – Álısultan Qulanbaı, «Egemen Qazaqstan» gazetiniń sholýshysy, Astana qalasy «Úzdik teledıdar materıaly» atalymy boıynsha: Birinshi oryn – Aleksandr Dremov, «Dalger» JShS dırektory, Shyǵys Qazaqstan oblysy Ekinshi oryn – Sánııa Amangeldiqyzy, «Qazaqstan» RTRK» AQ Aqmola oblystyq fılıalynyń tilshisi, Aqmola oblysy Úshinshi oryn – Elmıra Ahmetova, «Habar 24» telearnasynyń menshikti tilshisi, Shyǵys Qazaqstan oblysy «Úzdik radıomaterıal» atalymy boıynsha: Birinshi oryn – Tatıana Jandildına, «Qazaq radıosy», «Dostyq» halyqaralyq bóliminiń redaktor-júrgizýshisi, Almaty qalasy Ekinshi oryn – Aıda Baımakova, «Astana radıosy» redaktor-júrgizýshisi, Astana qalasy Úshinshi oryn – Azamat Isaev, «ORDA FM» radıostansasynyń dırektory, Astana qalasy «Ǵalamtordaǵy BAQ úzdik jarııalanym» atalymy boıynsha: Birinshi oryn – Tımýr Áýbákirov, «GIS Áskerı Medıa» JShS taldamashy-sholýshysy, Astana qalasy Ekinshi oryn – Aıymgúl Ábileva, «Baq.kz» aqparattyq agenttiginiń tilshisi, Astana qalasy Úshinshi oryn – Ásem Quljanova, «BNews.KZ» aqparat agenttiginiń Aqmola oblysyndaǵy menshikti tilshisi, Aqmola oblysy Komıssııa ókilderiniń aıtýynsha, bul shyǵarmashylyq baıqaý aımaqtyq jýrnalıstıkanyń tynysyn baǵamdap, daryndy tilshilerge qoldaý kórsetýge jol ashqan. Aıta keteıik, atalymdardyń árqaısysy boıynsha jeńimpazdarǵa 1 mıllıon teńgeden, al ekinshi jáne úshinshi oryn ıelengenderge tıisinshe 500 myń jáne 200 myń teńgeden berildi. Sonymen qatar, baıqaýdyń barlyq jeńimpazdary men júldegerlerine dıplomdar men tósbelgiler tabys etildi. Osy arada erekshe toqtala keter jaıt, mazmuny tereń, maǵynasy keń baıqaýda júlde alǵandardyń qatarynda áriptesimiz Álısultan Qulanbaıdyń bolǵany «Egemen Qazaqstan» gazeti ujymynyń mereıin bir ósirip tastady. Joldybaı BAZAR, «Egemen Qazaqstan»