Qazaqstandyq boksshy eki fılmge túsedi

Qazaqstandyq boksshy Fırýza Sháripovaǵa birden eki fılmge túsý týraly usynys jasaldy. Bul týraly tengrinews.kz habarlady. «Biz 30 qarashada «Eýrazııa Barysy» týrnıriniń aldynda komandamyzben salmaq ólsheý rásiminen ótip, sportshylarymyzǵa qoldaý kórsetý úshin Almatyǵa kelgen bolatynbyz. Sodan bizge meniń mansap jolym jaıly derekti fılm túsirýge usynys jasaldy. Sondaı-aq, anasynyń ólimine kek alý úshin sportpen aınalysqan qyzdyń rólin oınaý úshin, ıaǵnı kórkem fılmde basty róldi oınaýǵa usynys aıtyldy», – dedi boksshy qyz. Sportshy qyz ózin ártis rólinde kórgisi keletinin moıyndady. «Men ózimdi ártis retinde kórgim keletindikten buǵan kelisimimdi berdim. Qazir fılm jaıly sóılesip jatyrmyz. Osy aptada barlyǵy naqty belgili bolady», – dedi Fırýza Sháripova. Aıta keteıik, Fırýza Sháripova kásipqoı rıngte úsh kezdesý ótkizgen. Sońǵy jekpe-jegi 24 qyrkúıekte Almatyda ótken bolatyn. Onda ol serbııalyq Mılena Matovıchti tehnıkalyq nokaýtpen jeńdi. Sondaı-aq, Sháripovanyń menedjeri Sergeı Zavıleıskıı Fırýzanyń maqsaty álem chempıony ataný ekenin birneshe ret málimdegen bolatyn.