Jarııa etý naýqany aıaqtalǵanda raqymshylyq jasalmaıdy

QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda «Múlikti jarııa etý boıynsha ótkizilip jatqan aksııanyń barysy týraly» baıandama jasaǵan QR Qarjy mınıstri Baqyt Sultanov jarııa etý aksııasynan soń qylmystyq, ákimshilik jáne salyq boıynsha raqymshylyq jasalmaıtyny týraly aıtty. «Jarııa etý jónindegi naýqan aıaqtalǵannan keıin azamattarǵa qylmystyq, ákimshilik jáne salyqtar boıynsha raqymshylyq jasaý qoldanylmaıdy. Qazir de bizde azamattardyń Qazaqstannan tysqary ornalasqan múlikterin qadaǵalaýǵa múmkindik beretin mehanızmderi bar. Sheteldegi kapıtaly deklarasııalaý týraly Salyq kodeksiniń qoldanystaǵy normalaryn eshkim joıǵan joq ekendigin de eske salǵym keledi», - dedi ol. Mınıstr aıtyp ótkendeı, qazirgi ýaqytta 712 azamattyń 52 valıýtada qarajattaryn shet elderdiń bankterinde saqtap otyrǵany belgili. Sonymen, eger tek keń taralǵan úsh valıýtaǵa toqtalsaq, 517 mln. dollardy 240 azamat, 30 mln. evrony 237 azamat jáne 23 mln. fýnt sterlıngti 123 azamat deklarasııalaǵan. «Budan tys, 2017 jyldan bastap kez-kelgen sheteldegi múlikterdi mindetti túrde deklarasııalaý týraly Salyq kodeksiniń normalary qoldanysqa engiziledi. Osy mindettemelerdi buzýshy azamattardy jáne málimetterdiń rastyǵyn bizdiń salyq isteri boıynsha ózara ákimshilik kómek kórsetý týraly Strasbýrg konvensııasynda ratıfıkasııalaǵandarymyz arqyly tekseretin bolamyz», - dedi mınıstr. Arnur ASQAR, "Egemen Qazaqstan".