Shalqııada 165 mlrd teńge bolatyn jańa joba júzege aspaqshy

Shalqııa – dúnıe júzindegi myrysh óndiretin eń iri bes kenishtiń biri. Búgin Astanada Indýstrııalandyrý kúni aıasynda ótetin telekópir barysynda qorǵasyn men myryshty óndirý úshin polımetalldardy óndirip jáne baıytý jobasy tanystyrylady, dep habarlaıdy Qyzylorda oblysy ákimdiginiń baspasóz qyzmeti. Onda quny 165 mlrd teńge turatyn ınnovasııalyq tik-konveıerli rýdany shyǵarý tehnologııasy qoldanylady. Tolyqtaı iske qosylǵan kezde myń bes júz (1500) jańa jumys orny ashylady. «Shalqııa» táýelsiz elimizdi álemdik myrysh naryǵyndaǵy negizgi óndirýshige aınaldyrady. О́nimge degen suranys óte joǵary. Ken orny Jańaqorǵan aýdanynda ornalasqan. Kásiporyn 2018 jyldan bastap  2 mln tonnaǵa deıin ken óndirse, 2020 jyldan bastap onyń qýatyn  jylyna 4 mln tonnaǵa deıin jetedi. Naryqta onyń ónimderin TMD elderi men alys-jaqyn ózge de memleketter paıdalanatyn bolady. Áýelde  myń jarym adam jumyspen qamtylsa, merdiger kompanııalardy tartý barysynda  taǵy da myń adamǵa jumys orny ashylady dep josparlanýda.