Qazaqstan Respýblıkasy Tuńǵysh Prezıdentiniń Mýzeıinde Táýelsizdigimizdiń 25 jyldyǵyna arnalǵan XII Respýblıkalyq balalar shyǵarmashylyǵy baıqaýynyń «Grafıka. Lınogravıýra» atalymy boıynsha «Týǵan jerim» atty kórmesiniń ashylýy ótti.
Balalar shyǵarmashylyǵyna arnalǵan «Týǵan jerim» respýblıkalyq baıqaýy jyl saıyn Tuńǵysh Prezıdent Mýzeıiniń «Balalyq shaqtan kózqaras» atty balalar jobasynyń aıasynda, Astana qalasynyń IýNESKO klýby – Balalar kórkemóner mektebimen birlesip ótkiziledi.
Alǵash ret 2004 jylyótkizilip, qazirgi ýaqytta joba keńeıtilýin jalǵastyrýda jáne odan ári mańyzdy bola bastady. Baıqaýǵa 10-16 jas aralyǵyndaǵy kórkemsýret mektepterinde jáne óner mektebiniń kórkemsýret bóliminde oqıtyn, Oqýshylar saraıynyń shyǵarmashylyq úıirmelerinde jáne beıneleý óneri stýdııalarynda tálim alatyn balalar qatysyp, jyl saıyn konkýrs sharttary boıynsha oryndalý tehnıkasy uıymdastyrý komıtetimen derbes kelisiledi.
Qatysýshylar qazylar alqasynyń nazaryna keskindeme tehnıkasy, músin jáne ártúrli mashyqta oryndalǵan sándik-qoldanbaly óner týyndylaryn usyndy. Aǵymdaǵy jyly, saıystyń shartyna sáıkes, «Grafıka jáne lınogravıýra» mánerinde oryndalǵan balalardyń kórkem shyǵarmashylyǵy baǵalandy. Grafıkalyq jumystar ádette óziniń yqshamdylyǵymen jáne aıryqsha sulýlyǵymen erekshelenedi.
Grafıkalyq jumystar oryndalýy jaǵynan alýan túrli, sebebi – týyndylar kómirmen, týshpen, sangınamen jáne t.b. jasalǵan. Sýretshilerge kóptegen beıneleý múmkindikterin beretin, lınoleýmge oıyp bederlengen beıne-lınogravıýra erekshe qyzyǵýshylyq tanytady. Dástúr boıynsha, saıys jeńimpazdaryna arnalǵan ár aımaqtardan kelgenderge sheberlik-synyptar uıymdastyrylady. Bul HII saıysqa Qazaqstannyń barlyq aımaqtarynan 250-den asa jumystar kelip tústi.
Balalar shyǵarmashylyǵyna arnalǵan «Týǵan jerim» respýblıkalyq baıqaý qorytyndysy boıynsha, qazylar alqasynyń sheshimimen bas júldelerdi – Dıana Ibragımova (Almaty qalasy), Innesa Fatyhova (Rýdnyı qalasy), Medına Ámirǵazına (О́skemen qalasy) ıelense, sondaı-aq basqa da jas sheberler arnaıy dıplomdarmen marapattaldy.
Berik SADYR, "Egemen Qazaqstan".
Sýretterdi túsirgen Orynbaı BALMURAT
