Qazaqstan kınosynyń aptalyǵy

Mınskidegi «Pobeda» kınoteatrynda Qazaqstan Respýblıkasynyń Tuńǵysh Pre­zıdenti kúni men Táýelsizdiktiń 25 jyl­­dyǵyna oraı «Qazaqstan kı­no­synyń aptalyǵy» uıymdastyryldy. Mádenı is-sharaǵa Ulttyq jı­na­lystyń depýtattary, Mıns­kide akkredıttelgen dıp­loma­tııalyq ókildikterdiń basshy­lary, TMD atqarý komıteti men Belarýs Prezıdenttik kitap­ha­nasynyń ókil­deri, ǵylym já­ne mádenıet qaıratkerleri, Qazaqstannyń Dos­tar klýbynyń mú­sheleri, stýdentter, sonyń ishinde qazaqstandyq jáne qazaq dıas­porasynyń bel­sendileri qatysty. Is-sharany saltanatty túrde Qazaqstannyń Tótenshe jáne ókiletti elshisi Erǵalı Bólegenov ashyp, elimizdiń táýelsizdik jyldarynda jetken jetistikteri Qazaq­stan Respýblıkasynyń Tuńǵysh Prezıdentiniń eńbegimen tikeleı baılanysty ekenin atap ótti. Belarýs Mádenıet mınıs­triniń orynbasary Irına Drıga jınalǵan kórermenderdi aıtýly merekemen quttyqtap, osyndaı is-sharalar eki memleket arasyndaǵy dostyq baılanystar men mádenı ynty­maqtastyqtyń damýyna sep­tigin tıgizetinin aıtty. «Qazaqstan kınosy apta­ly­ǵynyń» ashylý saltanatynda «Juldyzdar toǵysqanda» fılmi kórsetildi. Mádenı is-shara barysynda Qazaqstan Prezıdenti N.Á.Nazarbaevtyń ómirbaıany men saıası qyzmetin baıandaıtyn «Elbasy joly» kınoepopeıasynyń barlyq bes fılmi, sonymen qatar, rejısser Aqan Sataevtyń «Anaǵa aparar jol» jáne «Jaýjúrek myń bala» fılmderi kórsetildi. Aıta ketetin jaıt, Qazaqstan Res­pýb­lıkasynyń Tuńǵysh Pre­zı­denti kúnine oraı uıymdas­tyrylǵan is-sharalar basqa da memleketterde ótti.