Qaýipsizdik jobasy jalǵasýda

Budan buryn bir aı ýaqyt boıy oblystyń 5 aýdanyn­da bolǵan respýblıkalyq top quramynda 200-den astam sarapshy, teolog, ártúrli saladaǵy mamandar jurtshylyqpen kezdesýler ótkizgen edi. Olardyń jumysy aıaqtalǵannan keıin óńir basshysy «Halyqtyń qaýipsizdigin qamtamasyz etý» jobasyn oblystyń qalǵan jeti aýdany – Qobda, Mártók, Oıyl, Yrǵyz, Qarǵaly, Áıteke bı jáne Baıǵanın óńirlerinde jergilikti mamandardyń kúshimen jalǵastyrý jóninde sheshim qabyldaǵan bolatyn. 25 kún ishinde oblys boıyn­sha qurylǵan top músheleri 54 myńnan astam jergilikti tur­ǵyndy qamtydy. Ústimizdegi jylǵy 10 qarashadan 5 jel­toq­sanǵa deıingi aralyqta «Halyq­tyń qaýipsizdigin qamtamasyz etý» jobasy aıasynda Áıteke bı, Baıǵanın, Yrǵyz, Qarǵaly jáne Qobda aýdandarynda 93 shara ótkizildi. 4,8 myńdaı ju­mys­shyǵa, orta arnaýly oqý oryn­darynyń stýdentterine, mek­tepterdiń oqýshylary men mu­­ǵalimderine ekstremızm ıdeo­­lo­gııasynyń zııandyǵy túsin­dirilip, Islamdaǵy Hanafı mazhaby róli ashyp kórsetildi. Oqý oryndarynyń oqý­shylary men oqytýshylaryna salafızm men vahabızmge tyıym salyp, kolledjderdiń oqý baǵdarlamasyna ekstremızm men terrorshyldyqtyń aldyn alý úshin dintaný pánin engizý usynyldy. Dástúrli emes dinı aǵymdardy ustanýshylarmen kezdesýler ótkizilip, olar radıkaldardy óz baǵyttarynan aınytýǵa yqpal etýge ázir ekendikterin bil­dirdi. Tórt myńdaı aýyl turǵyny «Esigimdi qaqqan kim?» spektaklin kórdi. Ekinshi baǵyt – «Bıznes ortany damytý» baǵdarlamasy boıynsha Oıyl, Áıteke bı, Baı­ǵanın, Yrǵyz, Qarǵaly aýdan­da­rynda 3144 adamdy qamty­ǵan 71 shara ótkizildi, 898 azamat­qa keńes berildi. Máselen, Qar­ǵalydaǵy «Ysqaqova M» JK eki shashtarazdy «Jumyspen qamtýdyń jol kartasy-2020» baǵdarlamasy boıynsha bilim alý kýrsyna jiberse, sharýa qojalyqtarynyń jetekshileri óz isterin damytýǵa nesıe alý sharttary týraly keńes aldy. Áleýmettik problemalar­dy sheshý baǵyty aıasynda Mártók, Oıyl, Áıteke bı, Baı­ǵanın, Yrǵyz aýdandaryn­da 10904 adamdy qamtyǵan 218 shara ótki­zildi, olardyń 1428-ine kómek kór­setildi. Naq­ty aıtqanda, 50 adam turaq­ty jumys oryndaryna ıe boldy. Budan basqa, 15 qaı­yrym­­dylyq aksııasy uıym­das­tyrylyp, 73 adamǵa 1 mıllıon teńge kóleminde járdem jasal­dy. 93 az qamtylǵan otbasy 2017 jyly «О́rleý» jobasyna qaty­sýǵa tilek bildirdi. 5021 adam profılaktıkalyq tekserýmen qamtyldy, oblystyq emhanaǵa 128 adam jiberilip, 590 adam turǵylyqty jeri boıynsha emdeý aldy, 13 adamǵa operasııa jasaldy. Tórtinshi baǵyt — «Dinı máse­leler» boıynsha Áıteke bı, Baı­ǵanın, Yrǵyz, Qarǵaly, Qobda aýdandarynda 44 shara uıym­dastyrylyp, 4 maqsatty jumalyq namaz ótkizildi, son­daı-aq, «Shárip molda», «Álııa» aýdan­dyq meshitteriniń qyz­meti, ımamdardyń jumysy zert­teldi. «Meshit tártibi» taqy­ry­byna ımam­dar men meshit qyzmet­ker­leri úshin semınar-trenıng uıym­dastyryldy. Aldaǵy ýaqytta bul baǵyttaǵy jumys jandana túsetin bolady. Satybaldy SÁÝIRBAI, «Egemen Qazaqstan» Aqtóbe oblysy