Azattyqqa arnalǵan aýqymdy aksııa

«Táýelsiz Qazaqstan» poıyzy – Syr elinde Arqadan azattyq toıynyń mereıin asyryp, meımanasyn tasytyp, jetken jetistik pen baǵyndyrǵan belesti barsha jurtqa pash etýdi murat tutqan «Táýelsiz Qazaqstan» poıyzy shyǵysty sharlaı ótip, batysqa boılaı jetip, soltústikke soǵyp, ońtústik óńirge aıaldady. Qazaqstan halqy Assam­bleıa­synyń tikeleı uıymdas­tyrýymen ótip jatqan respýblıkalyq aksııanyń negizgi maqsaty táý­elsizdik jyldaryndaǵy res­­pýb­lıkanyń qol jetkizgen je­tistikterin nasıhattaý, ha­lyq­tyń birligin nyǵaıtý, jurt­shy­lyqtyń áleýmettik jáne qu­qyqtyq jaǵdaılaryna nazar aýdarý, el damýynyń arqaýlyq ba­symdyqtaryn kórsetý ekenin taǵy bir márte aıta keteıik. Osyndaı mıssııany moınyna júktegen aksııa músheleri Áýlıeata jerinen shyraıly Shym­kentke ótip, qa­sıetti Syr topyraǵyna toqtady. «Táýelsiz Qazaqstan» poıy­zyn Qyzylorda qalasynyń temir jol vokzalynan oblystyq Assambleıa músheleri men qala turǵyndary sán-saltanatpen kútip aldy. Temir jol vokzalyna jınalǵan halyqty delegasııa músheleri Táýelsizdiktiń 25 jyldyq merekesimen quttyqtaı kele, sharanyń mańyzdylyǵyn túsindirip ótti. Delegasııa jetek­shisi L.N.Gýmılev atyndaǵy Eý­ra­zııa ulttyq ýnıversıteti «Ha­lyqaralyq qatynastar» k­afedrasynyń professory Ámirjan Álpeıisov bolsa, quramynda QHA múshesi, As­tana qalalyq qoǵamdyq keńe­­siniń múshesi, professor Qaz­bek Qazkenov, respýblıkalyq Dostyq úıi medıasııa kabınetiniń meńgerýshisi, kásibı medıator Nursáýle Áltekova, Jambyl ob­lystyq «Radonej» orys qaýym­dastyǵynyń basqarma múshesi, «Qoǵamdyq kelisim» KMM-niń bas sarapshysy Larısa Lysova jáne ózge de sala mamandary bar. «Táýelsiz Qazaqstan» poıyzy aksııasynyń sapary «Nur Otan» partııasy oblystyq fılıalynyń májilis zalynda bastaldy. Onda quqyq qorǵaý organdarynyń ókilderimen qoǵamdyq qabyldaý uıymdastyryldy. «Táýelsiz Qazaqstan» poıyzynyń shtab múshesi, «Nur Otan» partııasy qoǵamdyq  qabyldaýynyń  meńgerýshisi  Jumajan Júkenov te osy jerde qoǵamdyq qabyldaý ótkizdi. Qabyldaýǵa oblystyq partııa fılıalynyń basshylyǵy, oblystyq quqyq qorǵaý jáne memlekettik organdardyń basshylary, partııa  belsendileri men qala turǵyndary qatysty. Qabyldaýǵa 30-dan asa turǵyn kelip, keńes berildi. Ádilet mınıstrliginiń ókil­derinen quralǵan top Qyzyl­orda oblysynyń Halyqqa qyzmet kórsetý ortalyǵynda azamattarǵa memlekettik qyzmet kórsetý boıynsha jıyn ótkizdi. Al oblystyq jumyspen qamtýdy úılestirý jáne áleýmettik baǵdarlamalar basqarmasynyń májilis zalynda zeınetaqy jáne áleýmettik máseleler boıyn­sha turǵyndarmen kezdesý boldy. Kezdesýge kelgen 12 adamǵa áleýmettik máseleler bo­ıynsha keńes berildi. Onyń ishinde, jeti adamǵa zeınetaqy máselesi, úsh kisige áleýmettik kómek, eki azamatqa jumyspen qamtý máseleleri boıynsha qoldanystaǵy zańnamalarǵa sáıkes túsinikteme berildi. Qyzylorda oblystyq tuty­nýshylardyń quqyqtaryn qor­ǵaý departamentiniń májilis zalynda tutynýshylardyń quqy­ǵyn qorǵaý boıynsha keńes boldy. Turǵyndarmen kezdesýge Ulttyq ekonomıka mınıstrligi Tutynýshylardyń quqyqtaryn qorǵaý komıtetiniń bas sarapshysy Nurken Jumatov qatysty. Tutynýshylardyń quqyǵyn qorǵaý boıynsha kezdesý kezinde kópshilikti tolǵandyrǵan suraq­tar boıynsha, naqty jaýap alyndy. Kezdesýge 30-ǵa jýyq adam qatysyp, qyzý talqylaý júrgizildi. Aıta ketý kerek, kezdesý barysynda oblystyq tutynýshylardyń quqyqtaryn qorǵaý qoǵamynyń tóraǵasy Serik Teńizbaev atalǵan máselege qatysty turǵyndardyń saýalyna jaýap berdi. №278 orta mektepte bilim salasy boıynsha baǵdar­lama­lardy nasıhattaıtyn  leksııa uıymdastyryldy. Oǵan Bilim jáne ǵylym mınıs­tr­liginiń ókilderi, oblystyq bi­lim basqarmasy basshysy jáne aımaqtaǵy bilim oshaq­tarynyń jetekshileri qatys­ty. Kásipkerlikti qoldaý ortaly­ǵyndaǵy  kezdesýge О́ńirlik damý departamentiniń mamany Da­nııar Sydyqov qatysyp, kásipker­lerdiń saýaldaryna jaýap berdi. Kezdesýge Qyzylorda óńiriniń 70-ten asa kásipkeri keldi. Á.Tájibaev atyndaǵy oblys­tyq ámbebap kitaphanada oblys ákiminiń orynbasary Rýs­lan Rústemov pen «Táýelsiz Qazaqstan» poıyzy músheleriniń qatysýymen jıyn ótti. Jıyn barysynda Táýelsizdik syıy aksııasy ótkizilip, oblystyq kitaphanaǵa kitaptar tabys etildi. Sondaı-aq, «Táýelsiz Qazaqstan» poıyzy delegattarynyń qaty­sýymen qaıyrymdylyq sharalary uıymdastyryldy. Sonymen birge Dos­tyq úıinde etnomádenı bir­lestikter múshelerimen, qala turǵyndarymen kezdesip, qoǵam­dyq qabyldaý jasaldy. Syr óńirine kelgen «Táýel­siz Qazaqstan» poıyzy aksııa barysynda Astana, Al­maty qalalaryndaǵy ǵylymı ortalyqtardyń bilikti dári­gerleri oblystyq keńes berý dıagnostıkalyq ortalyǵynda jumys jasady. Angıohırýrg, gastroenterolog, gematolog, kardıolog, nevrolog, onkolog, travmatolog, oftalmolog, pýlma­nolog, revmatolog, ýrolog, hı­rýrg, endokrınolog maman-dári­gerleri tańnan keshke deıin 162 naýqasqa keńes berdi. Aksııa barasynda 15 naýqasqa Astana, Al­maty qalalaryndaǵy ǵylymı ortalyqtarǵa joldama berildi. «Táýelsiz Qazaqstan» poıyzy respýblıkalyq aksııasynyń is-sharalary Asqar Toqmaǵambetov atyndaǵy qalalyq mádenıet úıinde gala-konsertpen qory­tyndylandy. Erjan BAITILES, «Egemen Qazaqstan» QYZYLORDA