Ekaterına AIDOVA: «Medeý» mereıimdi ústem etedi dep úmittenemin

Almatyda jalaý kóteretin Dúnıejúzilik qysqy Ýnıversıadada biz úmit kúter sportshylar qatarynda konkımen júgirýden eki birdeı qysqy Olımpıadaǵa qatysqan sańlaq, jasóspirimder arasyndaǵy álem chempıony Ekaterına Aıdova da bar. Biz jaqynda ǵana Japonııada ótken Álem kýbogy syny ekinshi kezeńinde súıikti qashyqtyǵy – 500 metrge júgirýden qola medal alǵan sportshymen jolyǵyp, áńgimelesken edik. – Ekaterına, bıylǵy maý­symǵa degen daıyndyq qalaı ótti? – Maýsymnyń basynda biz Maıorkaǵa baryp, sonda ótken jattyǵý jıynyna qatystyq. Munda kóbine velosıped teýip, aıaqtyń bul­shyq etterin  shynyqtyr­dyq. Qurama komandanyń odan ar­ǵy jıyny Germanııadaǵy áı­gili Insellde ótti. О́kinish­ke qaraı, bul jattyǵýlar­ǵa qatysa almadym. Oǵan sebep – maýsym aıynda men omyrt­qaaralyq dıskiniń jary­­ǵy­na ota jasattym. Saýyq­tyrý kezeńi sátti ótken sııaq­ty. Japo­­nııa­daǵy Álem kýbo­gy­nyń kezeńinde jaqsy sporttyq baby­mda boldym. – Naganoda ótken Álem kýbogynyń kezekti kezeńinde kórsetken nátıjeńizge kóńi­lińiz tola ma? – Men úshin bul nátıje kúrdeli otadan keıin álemdik arenada jasaǵan alǵashqy qadamym boldy. Qola júlde alǵanym – meniń durys jolda kele jatqanymdy kórsetti dep oılaımyn. Myń metrlik qashyqtyqta «A» tobyndaǵy myqtylarmen synǵa túsip, 1 mınýt 17,08 sekýnd ýaqytpen máre syzyǵyn 15-shi bolyp qıdym. Al ózimniń oń jambasyma keletin 500 metrlik qashyqtyqty 39,48 sekýndta júgirip óttim. Bul nátıje­ge «V» tobynda qol jetkiz­di demeseńiz, men úshin ol táp-táýir kórsetkish ekenin aıtqym keledi. Jalpy, meniń atalǵan topta júrgenim ýa­qytsha ǵana qubylys dep oı­laımyn. О́mirde bári de bolady, jaraqattan qashyp qutyl­ǵan sportshyny kórgen emespin. – Bıylǵy maýsymda qan­daı jarystarǵa qatysý jos­paryńyzda bar? –  Aldymyzdaǵy jeltoqsan aıynyń 2-4 kúnderi aralyǵynda Astanada Álem kýbogynyń úshinshi kezeńi ótedi. Men úshin jerlesterimniń aldynda óner kórsetý qashanda asa jaýapty syn. Jerge qaratpaspyn dep oılaımyn. Keler jyldyń basty ja­rysy – Almatyda ótetin 28-shi dúnıejúzilik qysqy Ýnı­versıada ekeni belgili. О́z jerimizde jalaý kóteretin bul dúbirli dodada el senimin aqtaý – meniń ǵana emes, jarys jolyna shyǵatyn árbir qazaqstandyq sportshynyń aldynda turǵan zor mindet. Al aty ańyzǵa aınalǵan «Medeý» muz aıdynynda óner kórsetý – men úshin úlken mártebe jáne júgi aýyr jaýapkershilik. Ýnıversıadada júldeni ýystan shyǵarmaspyn dep oılaımyn. Sondaı-aq, kelesi jyly Japonııada qysqy Azııa oıyndary ótedi. Bul jarysqa da jaqsy daıyndyqpen baryp, el namysyn laıyqty qorǵaý oıda bar. Odan ári 2018 jyly Ońtústik Koreıada ótetin qysqy Olımpıada oıyndary tur. Negizi, meniń bıylǵy maý­symnan bastalǵan daıar­lyq kezeńim tórt jyldyqtyń basty degen jarystaryn tutas­taı qamtıdy. – Jalpy, Qazaqstanda ózińizge laıyqty básekeles­tik­tiń joqtyǵy sizdiń halyq­aralyq jarystarda joǵa­ry nátıjelerge qol jetkizýińizge kedergi keltirip júrgen joq pa? – Eger siz sporttyq tartysty meńzep otyrsańyz, men úshin bir ǵana tegeýrindi qarsylas, myqty básekeles bar. Ol – sekýnd ólsheýish! Áńgimelesken Qaırat ÁBILDINOV, «Egemen Qazaqstan» QARAǴANDY