Ýnıversıadanyń «Qanatyńdy keń qaq!» degen urany jas sportshylardy eresekter sportynyń shyńdaryna shyǵýǵa jigerlendiredi.
Ýnıversıadanyń kez kelgen logotıpinde FISU-dyń qamqorlyǵymen ótetin kez kelgen sporttyq sharanyń fırmalyq sımvolıkasynyń mindetti elementi bolyp tabylatyn U latyn árpiniń beınesi turady.
Qysqy Ýnıversıada-2017 logotıpi stıldengen qanattar túrinde beınelengen jáne anyq kórsetilgen serpindi pishini bar: soldan ońǵa qaraı joǵary. Ol – damýdyń, sondaı-aq shyńdardy baǵyndyrýdyń belgisi.
Qysqy Ýnıversıada-2017-niń boıtumary bolyp jyldamdyq pen kókke asqaqtaýdy, jeńildikti, qýatty jáne jeńiske qushtarlyqty – naǵyz jas sportshylarǵa tán qasıetterdi beıneleıtin qazaq dalasynyń erikti jáne qaıratty mekendeýshisi jas suńqar tańdalǵan.
Ýnıversıadanyń medaldary klassıkalyq stılde altyn, kúmis jáne qolaǵa uqsaıtyn metaldar qorytpasynan jasalǵan. Ol Qazaqstan Teńge saraıynda sheký tásilimen, túrli-tústi emal qoldanyp daıyndalǵan. Mýar lentasyna Ýnıversıadanyń logotıpi qondyrylǵan. Medaldyń bet jaǵynda FISU-diń (Halyqaralyq stýdenttik sport federasııasy) logotıpi men Oıyndardyń ataýy jáne ótetin orny beınelengen. Syrt jaǵynda Ýnıversıadanyń logotıpi tur.
