Májiliste «Daktıloskopııalyq jáne genomdyq tirkeý týraly» zań jobasy qaralady

Búgin Májiliste «Daktıloskopııalyq jáne genomdyq tirkeý týraly» zań jobasy qaralady Búgin QR Parlamenti Májilisinde «Daktıloskopııalyq jáne genomdyq tirkeý týraly» zań jobasy qaralady. Joba daktıloskopııalyq tirkeý arqyly qazaqstandyqtar jeke basyn kýálandyratyn qujattardy resimdeý jáne sheteldikter vıza alý kezinde ótetindigin qarastyrady, dep habarlady BNews.kz. Zań jobasyn iske asyrýǵa 2018-2023 jyldary 36,8 mlrd teńge ($100 mln asa) qajet. Daktıloskopııalyq jáne genomdyq tirkeýdi engizýdiń qajettiligi qandaı jáne bul azamattardyń qaýipsizdigine qalaı áser etetindigi týraly zań jobasyn ázirleýshiler – QR IIM ókilderi baıandaıdy. Sondaı-aq, otyrysta «Qazaqstan Respýblıkasynyń keıbir konstıtýsııalyq zańdaryna ózgerister engizý týraly», «Qazaqstan Respýblıkasynyń Joǵary Sot Keńesi týraly»,  «Qazaqstan Respýblıkasynyń keıbir zańnamalyq aktilerine zııatkerlik menshik salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine quqyq qorǵaý júıesin jetildirý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń Úkimeti men Polsha Respýblıkasynyń Úkimeti arasyndaǵy Adamdardyń readmıssııasy týraly kelisimdi ratıfıkasııalaý týraly», «Qazaqstan Respýblıkasynyń keıbir zańnamalyq aktilerine elektr energetıkasy máseleleri boıynsha ózgerister men tolyqtyrýlar engizý týraly», «Qazaqstan Respýblıkasy Táýelsizdiginiń jıyrma bes jyldyǵyna baılanysty raqymshylyq jasaý týraly», «Qazaqstan Respýblıkasynyń keıbir zańnamalyq aktilerine ósimdikter men janýarlar dúnıesi máseleleri boıynsha ózgerister men tolyqtyrýlar engizý týraly», «Jaıylymdar týraly», «Probasııa týraly» Qazaqstan Respýblıkasy Zańynyń jobasy jóninde talqylanady.