Memlekettik ister agenttigi janynan qoǵamdyq keńes quryldy

QR Memlekettik ister jáne sybaılas jemqorlyqqa qarsy is-qımyl agenttigi janynan qoǵamdyq keńes quryldy, dep habarlady mekemeniń baspasóz qyzmeti. Agenttik tóraǵasy Qaırat Qojamjarov qoǵamdyq keńestiń Agenttik qyzmetindegi róli mańyzdy ekenin atap ótti. Sebebi, azamattyq qoǵam ókilderine memlekettik qyzmet, memlekettik qyzmet kórsetýdiń sapasy men sybaılas jemqorlyqqa qarsy is-qımyl salasynda memlekettik saıasatty júzege asyrýǵa qatysý múmkindigi berilip otyr. Qoǵamdyq keńes jobalar men bıýdjettik baǵdarlamalardy oryndaýdy talqylaýǵa, azamattardyń quqyqtary, bostandyqtary jáne mindettemelerine qatysty normatıvti-quqyqtyq akti jobalaryn qurýǵa, memlekettik basqarý jáne memlekettik apparattyń ashyq jumysyn uıymdastyrýdy jetildirý máseleleri boıynsha jeke jáne zańdy tulǵalardyń úndeýin qarastyrýǵabelsendi qatysa alady. Tóraǵa laýazymyna L.N.Gýmılev atyndaǵy Eýrazııa ulttyq ýnıversıtetiniń prorektory Serikjan Qanaev taǵaıyndaldy.