Ulttyq qordyń aktıvteri 61 mlrd dollardy qurady

Aldyn ala derekter boıynsha 2016 jylǵy qarashada Qazaqstan Respýblıkasy Ulttyq Bankiniń jalpy halyqaralyq rezervteri 2016 jylǵy qarashanyń sońynda 29,8 mlrd AQSh dollaryn, taza halyqaralyq rezervter (Ulttyq qordyń shetel valıýtasyndaǵy aktıvterin qospaǵanda) 29,3 mlrd AQSh dollaryn qurady, dep habarlaıdy Ulttyq bank. 2016 jylǵy qarashada Ulttyq Banktiń halyqaralyq rezervteri 704,6 mln AQSh dollaryna nemese 2,3%-ǵa tómendedi. Shetel valıýtasyndaǵy aktıvter 119,7 mln AQSh dollaryna azaıdy, al altyndaǵy aktıvterdiń baǵasy bir aıda 6,8%-ǵa tómendegen kezde júrgizilgen operasııalar nátıjesinde altyndaǵy aktıvter 584,8 mln AQSh dollaryna qysqardy. Ulttyq Banktiń halyqaralyq rezervteriniń azaıýy banktermen jasalǵan valıýtalyq- paıyzdyq svop operasııalaryn óteý, Ulttyq qordyń aktıvterin tolyqtyrý boıynsha jáne Úkimettiń syrtqy boryshyna qyzmet kórsetý boıynsha operasııalar júrgizý, sondaı-aq altyndaǵy aktıvterdi qaıta baǵalaý esebinen boldy. 2016 jylǵy 11 aıda Ulttyq Banktiń jalpy halyqaralyq rezervteri 29,8 mlrd AQSh dollaryna deıin 7,0%-ǵa ulǵaıdy, Ulttyq qordyń aktıvteri 3,9%-ǵa tómendep 61,0 mlrd AQSh dollaryn qurady. Aldyn ala derekter boıynsha Ulttyq qordyń aktıvterin qosa alǵanda, jalpy eldiń halyqaralyq rezervteri 90,9 mlrd. AQSh dollaryna deıin 0,6%-ǵa azaıdy. Ulttyq qordyń shetel valıýtasyndaǵy aktıvterin qosa alǵanda, eldiń jalpy halyqaralyq rezervteri (jedel derekter boıynsha 61,0 mlrd. AQSh dollary) 2016 jylǵy qarashada 2,0%-ǵa tómendep, 90,9 mlrd. AQSh dollaryn qurady. Aqsha bazasy 2016 jylǵy qarashada 4 671,1 mlrd. teńge boldy, onyń bir aıda keńeıýi 7,4% qurady ( jyl basynan – 1,7%-ǵa taryldy). 2016 jylǵy qazanda aqsha massasy – 0,7%-ǵa (jyl basynan 12,3%-ǵa ulǵaıdy), aınalystaǵy qolma-qol aqsha – 0,8%-ǵa (jyl basynan 27,2%-ǵa ulǵaıdy), bank júıesindegi depozıtter kólemi – 0,7%-ǵa (jyl basynan 11,2%-ǵa ulǵaıdy) ulǵaıdy. Aqsha massasynyń qurylymyndaǵy depozıtterdiń úlesi 2016 jylǵy qyrkúıekpen salystyrǵanda ózgermedi jáne 2016 jylǵy qazannyń sońynda 91,9% ( 2015 jylǵy jeltoqsanda – 92,8%) qurady.