Bankterdiń ekonomıkany nesıelendirý kólemi kóbeıdi

Bankterdiń ekonomıkany kredıtteýiniń kólemi 2016 jylǵy qazanda 0,7%-ǵa artty jáne 12 770,0 mlrd. teńgeni qurady. Ulttyq valıýtamen kredıtter kólemi 8 543,9 mlrd. teńgege deıin 1,5%-ǵa ulǵaıdy, shetel valıýtasymen 4 226,2 mlrd. teńgege deıin 0,9%-ǵa tómendedi. Teńgemen kredıtterdiń úles salmaǵy bir aıda 66,4%-dan 66,9%-ǵa deıin ulǵaıdy, dep habarlaıdy Ulttyq bank. 2016 jylǵy qazannyń sońynda uzaqmerzimdi kredıtter kólemi 10 535,3 mlrd. teńgege deıin 0,6%-ǵa ulǵaıdy, qysqamerzimdi – 2 234,7 mlrd. teńgege deıin 0,8%-ǵa ulǵaıdy. 2016 jylǵy qazanda uzaqmerzimdi kredıtterdiń úles salmaǵy 2015 jylǵy jeltoqsanmen salystyrǵanda tómendedi jáne 82,5%-dy qurady (2015 jylǵy jeltoqsanda - 83,0%). Zańdy tulǵalarǵa kredıtter kólemi 2016 jylǵy qazanda 8 718,6 mlrd. teńgege deıin 1,1%-ǵa artty, jeke tulǵalarǵa 4 051,5 mlrd. teńgege deıin 0,3%-ǵa tómendedi. 2016 jylǵy qazanda jeke tulǵalarǵa kredıtterdiń úles salmaǵy 2015 jylǵy jeltoqsanmen salystyrǵanda 32,9%-dan 31,7%-ǵa deıin tómendedi. Shaǵyn kásipkerlik sýbektilerin kredıtteý 2016 jylǵy qazanda 2 898,2 mlrd. teńgege deıin 3,6%-ǵa artty (jyl basynan 40,7%-ǵa), bul ekonomıkaǵa kredıtterdiń jalpy kóleminen 22,7% quraıdy (2015 jylǵy jeltoqsanda - 16,3%). Salalar boıynsha bankterdiń ekonomıkaǵa kredıtteriniń barynsha aıtarlyqtaı somasy saýda (jalpy kólemdegi úlesi – 21,3%), ónerkásip (13,7%), qurylys (8,0%), aýyl sharýashylyǵy (5,4%) jáne kólik (4,2%) sııaqty salalarǵa tıesili. 2016 jylǵy qazanda banktik emes zańdy tulǵalarǵa ulttyq valıýtamen berilgen kredıtter boıynsha syıaqynyń ortasha alynǵan mólsherlemesi 15,8% (2015 jylǵy jeltoqsanda – 16,0%), jeke tulǵalarǵa 19,2% (17,3%) boldy.