Halyqaralyq kompanııa QR Premer-lıga úzdikterin atady

Halyqaralyq Instat kompanııasynyń saralaý jumystary nátıjesinde Qazaqstan Premer-lıgasynyń úzdik fýtbolshysy Roher Kanıas boldy, dep habarlady "Astana" fýtbol klýbynyń baspasóz qyzmeti. Maýsym boıynda ótkizgen oıyndardaǵy barlyq jeke kórsetkishterdiń joǵary bolýy «Astananyń» kolýmbııalyq jartylaı qorǵaýshysyna yqpalyn tıgizdi. Onyń ortasha ındeksi 220-ǵa teń. Chempıonatta 31 match (2897 mınýt alańda) ótkizip, 1 gol jáne 1 assıst jasaı alǵan. Jalpy kolýmbııalyq legıoner qaqpany 36 ret kózdep, onyń ishinde 9 soqqysy qaqpaǵa týra baǵyttaldy. О́zi 40 ret tártip buzsa, oǵan qarsy 48 ret dóreki oınalǵan. 26 jastaǵy Roher Kanıas 90 mınýt oıynda 68(60 dál pas) pas berip úlgeredi. Bul reıtıngte ekinshi orynda Dmıtrıı Shomko tur. «Astana» qorǵaýshysynyń da ortasha ındeksi 220-ǵa teń. Ol 29 oıynda (2686 mınýt) bir gol soǵyp, golmen aıaqtalǵan 8 pas shyǵardy. Úshinshi orynda 218 ortasha ındeksimen «Qaırattyń» úzdigi Baýyrjan Islamhan. Ol Premer-lıgada 31 match (2788 mınýt) ótkizip, 17 gol salyp, golmen aıaqtalǵan 10 pas shyǵarǵan. El quramasynyń úzdik oıynshylarynyń biri qaqpany 85(40 soqqy týra) ret kózdegen. Ortasha kórsetkishpen Baýyrjan Islamhan 90 mınýtta 75 pas berip, onyń ishinde 66 pas áriptesterine dál jetkizildi.