Shymkentte eski avtokólikterdi qabyldaıtyn beket ashyldy

Shymkentte eski avtokólikterdi qabyldaý beketi ashyldy, dep habarlaıdy qala ákimdiginiń baspasóz qyzmeti. Arnaıy baǵdarlama boıynsha jumys isteıtin oryn qazir tek salmaǵy 3,5 tonnadan aspaıtyn kólikterdi qabyldap jatyr.  Arnaıy esepten shyǵarylǵan kólikti beket mamandary 150 myń teńgege baǵalap otyr. Baǵdarlama boıynsha ótkiziletin avtokólikterdiń jyly men markasyna shekteý qoıylmaıdy. Tek bar bólshegi ózinde bolýy shart. Eger kóliktiń syrtqy shanaǵy men qozǵaltqyshy ornynda bolsa - 150, al, olaı bolmasa, 48 myń teńge beriledi. Bul tusta sizge avtokólikti joıý týraly hattamanyń túpnusqasy men arnaıy jazylǵan ótinish, jeke bas kýáliginiń kóshirmesimen birge, bankttik esepshottyń nomiri kerek.  Biraq, eski kólikti alda-jalda ótkiz dep eshkim qınamaıdy. Statıstıkaǵa súıensek, eski kólikterdiń kóptigi jaǵynan bizdiń óńir elemiz boıynsha úshinshi orynda. Bizdiń jolda shyǵarylǵanyna shırek ǵasyrdan asqan 40 myńdaı kólik júr. Atalmysh joba sol kólikterdi aınalymnan shyrý úshin qolǵa alynyp otyr. Bul isti aýdan ortalyqtarynda da jandandyrý úshin mobıldi jyljymaly beket jeltoqsannyń segizi kúni Túrkistan, 12-sine Saryaǵash qalasyna barmaqshy. Al, baǵdarlama boıynsha iri júk kólikterin qabyldaý kelesi jyldan bastap júzege asyrylýy múmkin.